Gaza sektoryndaǵy Izraıl shabýyldarynan qaza tapqandar sany 73 386-ǵa jetti
ASTANA. KAZINFORM – 2023 jylǵy qazannan beri Gaza sektoryna jasalǵan Izraıl shabýyldarynan qaza tapqandar sany 73 386 adamǵa jetti, dep habarlaıdy Anadolý.
Gazadaǵy Palestına Densaýlyq saqtaý mınıstrliginiń málimetinshe, sońǵy 24 saǵatta aýrýhanalarǵa shabýyldardan qaza tapqan eki adamnyń denesi jetkizildi. Onyń biri jańa soqqy kezinde qaza tapsa, ekinshisiniń máıiti buǵan deıingi shabýyldardan keıin úıindi astynan shyǵarylǵan. Sondaı-aq segiz jaraly aýrýhanaǵa jetkizildi.
Vedomstvonyń habarlaýynsha, 2025 jylǵy 10 qazanda atysty toqtatý rejımi kúshine engennen beri Izraıl shabýyldarynan 1258 adam qaza taýyp, 4139 adam jaralanǵan. Úıindiler astynan 807 adamnyń denesi shyǵarylǵan.
Palestına Densaýlyq saqtaý mınıstrligi 2023 jylǵy qazannan beri Izraıl soqqylarynan Gaza sektorynda qaza tapqandardyń jalpy sany 73 386 adamǵa, al jaralanǵandar sany 174 250 adamǵa jetkenin málimdedi.
Gaza sektoryndaǵy úıindiler astynda áli de myńdaǵan adamnyń denesi jatqany habarlandy.
Eske sala ketsek, shildeniń sońynda Gazada qıraǵan ǵımarat astynan eki áýlettiń 99 múshesiniń máıiti shyǵaryldy.
Sondaı-aq Izraıl Gaza sektorynda beıbit turǵyndarǵa shabýyldy kúsheıtkenin jazdyq.
Al Netanıahý Tramptyń Gaza týraly josparyn qabyldamady.
