Gaza sektoryndaǵy densaýlyq saqtaý júıesi kúıreý aldynda tur
ASTANA. KAZINFORM — Gaza Densaýlyq saqtaý mınıstrliginiń málimetinshe, medıtsınalyq taldaýlarǵa arnalǵan zerthanalyq materıaldardyń 86%-y tolyqtaı taýsylǵan. Bul týraly Anadolý agenttigi habarlady.
Gaza sektoryndaǵy densaýlyq saqtaý júıesi qazir apattyq jaǵdaıdaǵy tapshylyqpen jumys isteýde. Bul jóninde Gaza Densaýlyq saqtaý mınıstrliginiń habarlamasynda aıtylǵan.
Vedomstvo deregine sáıkes, medıtsınalyq taldaýlar, dıagnostıka jáne qan quıýǵa qajet zerthanalyq materıaldar men komponentterdiń 86%-y tolyǵymen taýsylǵan.
Mınıstrlik halyqaralyq uıymdardy jedel túrde qan qory men zerthanalyq jabdyqtardy jetkizýge shaqyrdy.
2026 jyldyń sáýirindegi jaǵdaı boıynsha negizgi dári-dármekterdiń tapshylyǵy 50%-ǵa jetken.
Mundaı jaǵdaı Gaza sektoryndaǵy densaýlyq saqtaý júıesiniń tolyq kúıreýine ákelýi múmkin ekeni atap ótiledi.
Dúnıejúzilik densaýlyq saqtaý uıymynyń (DDU) bas dırektory Tedros Adhanom Gebreıesýs ta jaǵdaıdyń áli de óte aýyr ekenin málimdedi.
Ol Gaza boıynsha densaýlyq saqtaý qajettilikteri «óte aýqymdy» ekenin atap ótti.
Sonymen qatar, Tedros negizgi dári-dármekterdi jetkizý úshin shuǵyl ári kedergisiz gýmanıtarlyq qoljetimdilik ashýǵa shaqyrdy.
Buǵan deıin DDU qyzmetkeriniń qaza tabýyna baılanysty Gaza sektorynan patsıentterdi medıtsınalyq evakýatsııalaý ýaqytsha toqtatylǵan bolatyn.
Buǵan deıin Dúnıejúzilik densaýlyq saqtaý uıymy (DSU) qyzmetkerdiń biriniń qazasyna baılanysty Gaza sektorynan naýqastardy medıtsınalyq evakýatsııalaýdy toqtatqan edi.
