BUU: Gaza sektoryndaǵy balalarǵa vaktsınalar salynyp jatyr
ASTANA. KAZINFORM — Dúnıejúzilik densaýlyq saqtaý uıymy men BUU-nyń Balalar qory Gazadaǵy 44 myń balaǵa medıtsınalyq kómek kórsetip jatyr. Bul týraly BUU jańalyqtar qyzmeti jarııalady.
Immýndaý naýqany 18 qarashaǵa deıin júrgiziledi.
Qaqtyǵysqa deıin Gazada 54 ımmýndaý ortalyǵy boldy. Aımaq balalardy vaktsınamen qamtý boıynsha álemdik kóshbasshylardyń qatarynda edi.
— 20 myńnan astam balanyń ómirin qıǵan soǵystan keıin bizde aman qalǵandardy qorǵaýǵa múmkindik bar. Ár balaǵa ekpe egý, olardyń densaýlyǵyn saqtaý jáne durys tamaqtanýyn qamtamasyz etý tek gýmanıtarlyq shara emes, moraldyq mindet. Biz soǵystyń ortasynda týǵan balalardyń bolashaǵyn qorǵaımyz jáne qırandylar arasyndaǵy úmitti óshirmeımiz, — dedi ıÝNISEF-tiń Palestına memleketi boıynsha arnaıy ókili Djonatan Veıtch.
Naýqan barysynda ıÝNISEF Gaza sektoryna vaktsına men medıtsınalyq jabdyqtar jáne taǵamdyq qospalardyń 11 túrin jetkizedi. Ekpe egý jumystary Gaza sektory boıynsha 149 densaýlyq saqtaý mekemesi men 10 mobıldi bólimshe arqyly júrgiziledi.
Eske salaıyq, BUU Gaza sektorynda 1 mıllıon turǵynǵa gýmanıtarlyq kómek úlestirdi.