Gaza sektorynda tumaýdyń aýyr túri taralyp jatyr
ASTANA. KAZINFORM — Bul týraly Gaza qalasyndaǵy Palestına Densaýlyq saqtaý mınıstrligi Han-ıÝnýs qalasyndaǵy «Tahrır» balalar aýrýhanasynyń dırektory Ahmed Ferraǵa silteme jasap habarlady, dep jazady Anadoly.
Málimetke sáıkes, eń osal top – balalar, óıtkeni Izraıl qorshaýy saldarynan týyndaǵan ashtyq olardyń ımmýnıtetin álsiretken.
Ahmed Ferra eksklavqa qajetti dári-dármekter men medıtsınalyq quraldardy shuǵyl jetkizýdi qamtamasyz etýge shaqyrdy.
Sondaı-aq ol balalardyń ımmýnıtetin kúsheıtý úshin aımaqqa negizgi azyq-túlik jetkizýdiń mańyzdylyǵyn atap ótti.
Osydan buryn 30 tamyzda Gaza sektorynda taǵy bir sábı ashtyqtan kóz jumǵany anyqtaldy.
Sonymen qatar Gaza sektorynda úshinshi jyl qatarynan 660 myń bala mektepke bara almaı júrgeni belgili boldy.