Gaza sektorynda qurlyqtaǵy operatsııa keńeıdi

Izraıl qorǵanys kúshteri Gaza qalasyndaǵy «Ash-Shıfa» aýrýhanasy mańyndaǵy aımaqtan taǵy bir kepilge alynǵan adamnyń máıitin tapty. 19 jastaǵy sarbaz áıel juma kúni jerlendi. Kazinform bul týraly Euronews-ke silteme jasap habarlaıdy. 

Izraıl Gaza sektorynyń basqa aýdandarynda HAMAS-qa qarsy jerdegi operatsııasyn keńeıtetinin málimdedi. 

Juma kúni keshke telekommýnıkatsııa kompanııalarynyń jumysyn qamtamasyz etý úshin Palestına anklavyna 17 myń lıtr janar-jaǵarmaı jetkizildi. Izraıl sonymen qatar ınfektsııalyq aýrýlardyń taralýyn boldyrmaý úshin Gaza sektoryna sý sorǵylaý stantsııalary jumysyna qajetti otynnyń eń az mólsherin berýge ýáde berdi. 

DDU buǵan deıin kúrdeli sanıtarlyq qaýip týraly eskertken. BUU eger gýmanıtarlyq kómek qajetti kólemde jetkizilmese, Gaza sektorynyń turǵyndary jaqyn arada ashtyqqa ushyraıdy dep qaýiptenip otyr. 

Izraıl qorǵanys kúshteriniń sendirýinshe, Gaza sektoryndaǵy balabaqshalar men mektepterden HAMAS sodyrlarynyń qarýlary tabylǵan. Bul aqparat rastalǵan joq. Juma kúni Gaza sektorynan Izraılge qaraı ondaǵan zymyran ushyryldy.