Gaza sektorynda qazaqstandyqtyń zardap shekkeni shyndyqqa janaspaıdy – SІM
Gaza sektorynda Qazaqstan azamaty zardap shekkeni týraly taraǵan aqparat shyndyqqa janaspaıdy. Bul týraly Syrtqy ister mınıstrliginiń resmı ókili Aıbek Smadııarov aıtty, dep habarlaıdy Kazinform.
«Jaqynda áleýmettik jelide Gaza sektoryndaǵy qarýly qaqtyǵys kezinde Qazaqstannyń bir azamaty zardap shekti degen aqparat taraǵan edi. Bul málimet shyndyqqa janaspaıdy. Osy oraıda Izraıl jaǵy qate aqparat tarap ketýine baılanysty keshirim surady», - dedi A. Smadııar vedomstvoda ótken aptalyq baspasóz máslıhatynda.
Atalǵan qatyǵys aımaǵynda Qazaqstan Respýblıkasy azamattary arasynda qaza tapqandar men jaralanǵandar týraly málimetter tirkelmedi.
Aıta keteıik, Izraıldegi Qazaqstannyń elshiligine 100-den astam elimizdiń azamaty járdem kórsetý týraly ótinish jasady. Sonymen qatar, Gaza sektorynan taǵy 100-den astam adamdy Qazaqstanǵa jetkizý máselesi pysyqtalyp jatyr.
Budan buryn habarlanǵandaı, Palestınanyń medıtsınalyq qyzmetteri Izraıldiń Gaza sektoryna jasaǵan soqqysy saldarynan qaza tapqandar sany aıtarlyqtaı artqanyn habarlady.
Qazaqstannyń Izraıldegi elshiligine 100-den astam elimizdiń azamaty járdem kórsetý týraly ótinish jasady.
