Gaza sektorynda qaza tapqandar sany 413 adamǵa jetti

ASTANA. KAZINFORM – Seısenbi kúni tańerteń Izraıldiń Gaza sektorynyń bir bóligine jasaǵan áýe shabýylynan qaza tapqan palestınalyqtardyń sany 413-ke jetti. Bul týraly anklavtaǵy densaýlyq saqtaý basqarmasynan habarlady, dep jazdy Sınhýa agenttigi.

Agenttiktiń baspasóz málimdemesinde Izraıldiń jalǵasyp jatqan shabýyldary saldarynan taǵy keminde 562 palestınalyq jaraqat alǵany aıtyldy.

Zardap shekken birneshe adam áli de úıindi astynda jatqany, qazir olardy shyǵarý jumystary júrip jatqany atap ótildi.

Eske sala keteıik, buǵan deıin Gaza sektorynda qaza tapqandar sany 250 adamnan asqanyn jazǵan bolatynbyz. Izraıl Gazaǵa bir mezgilde eskertýsiz soqqy jasap, turǵyn úıler men mektepterdi qıratqan bolatyn.