Gaza sektorynda qaza tapqan palestınalyqtardyń sany 40,5 myńnan asty
ASTANA. KAZINFORM – Izraıldiń Palestına eksklavyna jappaı shabýyldary 327 kún boıy jalǵasýda, dep jazady Anadoly.
2023 jyldyń 7 qazanynan beri Izraıl armııasynyń blokadadaǵy Gaza sektoryna jasaǵan shabýyldarynan qurban bolǵandar sany 40 534 adamǵa jetti.
Izraıldiń eksklavtyń ártúrli aımaqtaryna qurlyqtan, teńizden jáne áýeden jappaı shabýyldary 327-shi kúnnen beri toqtaǵan joq.
Gaza sektoryndaǵy Palestına densaýlyq saqtaý mınıstrliginiń málimeti boıynsha, sońǵy 24 saǵatta Izraıl áskeri tórt «qyrǵyn» jasap, nátıjesinde 58 palestınalyq kóz jumǵan, 131-i jaralanǵan.
2023 jyldyń 7 qazanynan beri Izraıldiń Palestına eksklavyna jasaǵan shabýylynda jaralanǵandar sany 93 778-ge jetti.
Qıraǵan ǵımarattardyń astynda myńdaǵan adamdardyń denesi qalǵan bolýy múmkin. Alaıda azamattyq qorǵanys toptary Izraıl armııasynyń shekteýlerine baılanysty úıindilerge jete almaı otyr.
Aıta keteıik, 26 tamyz kúni Izraıl men HAMAS arasynda ótken kelissózder sátsiz aıaqtalǵan bolatyn.
