Gaza sektorynda qaza tapqan palestınalyqtardyń sany 33 myńnan asty
ASTANA. KAZINFORM – Gaza sektorynyń Densaýlyq saqtaý mınıstrligi beısenbi kúni Izraıldiń úzdiksiz shabýyldary nátıjesinde anklavta qaza tapqan palestınalyqtardyń sany 33 myńnan asqanyn habarlady.
Bul týraly Sınhýa agenttigi jazdy.
Vedomstvonyń málimdemesine sáıkes, sońǵy táýlikte ızraıldik áskerıler shabýylynan 62 palestınalyq kóz jumǵan, taǵy 91-i jaralanǵan. Osylaısha, 2023 jyldyń 7 qazanynan beri Izraıl men HAMAS qozǵalysy arasyndaǵy qaqtyǵystan Gaza sektorynda qaza tapqandardyń jalpy sany 33 037 adamǵa, jaralanǵandar sany 75 668-ge jetti.
Bul arada Palestınanyń áleýmettik damý mınıstri Samah Abý Aýn Izraıldiń anklavty úzdiksiz atqylaýynan 14 861-den astam balanyń qaza tapqanyn jáne Gazada 17 000-ǵa jýyq balanyń jetim qalǵanyn aıtty.
«Gazanyń soltústiginde ashtyqtan qaza tapqandar sany kem degende 30 adamǵa jetti», - dedi mınıstr.
