Gaza sektorynda qaza tapqan palestınalyqtardyń sany 29 195-ke jetti

ASTANA. KAZINFORM – 2023 jyldyń 7 qazanynan beri Izraıldiń shabýyldary saldarynan Gaza sektorynda qaza tapqan palestınalyqtardyń sany 29 195-ke jetip, 69 170-i jaralandy. Bul týraly seısenbide Gazada ornalasqan Densaýlyq saqtaý mınıstrligi habarlady.

Sınhýa agenttiginiń habarlaýynsha, Gaza sektorynda sońǵy 24 saǵat ishinde Izraıl áskerıleriniń shabýyldary saldarynan 103 palestınalyq qaza taýyp, taǵy 142-si jaralanǵan.

Mınıstrlik jedel járdem brıgadalarynyń jetispeýshiliginen keıbir zardap shekkender áli de Izraıl shabýylynan qıraǵan úıindiler astynda ekenin qosa ketti.

IDF Gazadaǵy shaıqasta alǵan jaraqaty saldarynan 22 jastaǵy sarbazdyń qaza tapqanyn habarlady. Osylaısha qaqtyǵys kezinde qaza tapqan Izraıl áskerıleriniń sany 236-ǵa jetti.