Gaza sektorynda qatty sýyqtan 10 bala qaza boldy
ASTANA. KAZINFORM — Qys maýsymynyń basynan bastap, Izraıl janarmaı men gýmanıtarlyq kómek jetkizilýine kedergi jasap otyrǵan Gaza sektorynda sýyqtan 10 bala kóz jumdy. Bul týraly Palestına anklavynyń Densaýlyq saqtaý mınıstrliginiń habarlamasynda aıtylǵan, dep habarlaıdy Anadoly.
— Úsh aılyq Álı Abý Zýr «Ál-Aksa Shahıdteri» aýrýhanasynda qatty sýyqqa shydamaı shetinep ketti, – delingen habarlamada.
Mınıstrlik málimetinshe, qys bastalǵaly beri sýyqtan qorǵanýǵa múmkindigi bolmaǵan balalardyń sany 10-ǵa jetti.
Gaza sektorynda sýyq aýa raıy palestınalyqtardyń ómirin jalmap jatyr
Gaza sektorynda júzdegen myń turǵyn, Izraıl bitim kelisimine qaramastan gýmanıtarlyq kómek jetkizilýin shektegendikten, ózderi jasaǵan shatyrlarda tirshilik etýge tyrysyp jatyr.
Aımaqtaǵy kúshti jańbyr men daýyl shatyrlardy turýǵa jaramsyz etip jatyr, ásirese kishkentaı balalar úshin sýyq óte aýyr tıip otyr.
Bitim kelisimi 10 qazannan bastap kúshine engenimen, Gazadaǵy gýmanıtarlyq jaǵdaı aıtarlyqtaı jaqsarǵan joq.
Izraıldiń kelisimdegi mindetterin oryndamaýy, sondaı-aq azyq-túlik, dári-dármek, medıtsınalyq jabdyq, janarmaı jáne turǵyn úı qural-jabdyqtaryn ákelýge qoıylǵan shekteýler daǵdarystyń qaıtymsyz sıpatqa ıe bolýyna ákep soqty.
Jaqynda AQSh Gaza sektory boıynsha jospardyń ekinshi kezeńi bastalǵanyn jarııalady.