Gaza sektorynda gýmanıtarlyq júk tıelgen kolonnaǵa soqqy jasalyp, eriktiler qaza tapty

ASTANA. KAZINFORM – Gaza sektoryndaǵy gýmanıtarlyq kómek tıelgen kolonnaǵa jasalǵan shabýyl saldarynan World Central Kitchen uıymynyń jeti eriktisi qaza tapty. Qaza tapqandar – Palestına, Aýstralııa, Polsha, Ulybrıtanııa, AQSh jáne Kanada azamattary, dep habarlaıdy Al Jazeera.

Izraıl qorǵanys kúshteriniń kolonnamen birge erip júrýine qaramastan, Gazaǵa teńiz arqyly jetkizilgen 100 tonnadan astam gýmanıtarlyq azyq-túlik kómegi túsirilgennen keıin qaraýylshy jasaqqa Deır el-Balah qalasyndaǵy qoımadan shyqqan kezde oq atyldy.

Buǵan deıin habarlanǵandaı, Gaza sektoryndaǵy Ál-Shıfa aýrýhanasy Izraıl áskeri eki aptalyq reıd júrgizip, tastap ketkennen keıin tolyqtaı qıraǵan.

7 qazannan beri Izraıldiń Gaza sektoryna jasaǵan shabýyldary saldarynan kem degende 32 916 palestınalyq qaza taýyp, 75 494 adam jaraqat alǵan. Izraılde 7 qazanda HAMAS shabýylynan qaza tapqandar sany 1139 adam.

Eske sala ketsek, Iran Izraıldi Damaskidegi konsýldyqqa áýeden shabýyl jasaǵany úshin aıyptady. Shabýyl saldarynan Iran Islam revolıýtsııasy korpýsynyń generaly qaza tapty.