Gaza sektorynda bir táýlikte 5 palestınalyq qaza tapty
ASTANA. KAZINFORM – Gaza sektorynyń Densaýlyq saqtaý mınıstrligi sońǵy bir táýlikte Izraıl shabýyldary saldarynan 5 palestınalyqtyń qaza tapqanyn, taǵy 5 adamnyń jaralanǵanyn habarlady, dep jazady Anadolý.
Vedomstvo taratqan málimetke sáıkes, Izraıl armııasy atysty toqtatý týraly kelisimge qaramastan, túrli sebeptermen Gaza sektoryna soqqylaryn jalǵastyryp keledi.
Mınıstrliktiń derekterine sáıkes, sońǵy 24 saǵat ishinde palestınalyq anklavta 5 adam qaza taýyp, 5 adam jaraqat alǵan.
Jalpy 2025 jylǵy 10 qazanda atysty toqtatý rejımi kúshine engen sátten beri Gaza sektorynda 586 adam kóz jumyp, 1 558 adam jaralanǵan. Sonymen qatar ǵımarattardyń qırandylary astynan 717 adamnyń máıiti shyǵarylǵan.
2023 jylǵy qazannan beri bastalǵan Izraıl shabýyldarynyń saldarynan Gaza sektorynda qaza tapqandar sany 72 037 adamǵa jetken, al jaralanǵandar sany 171 666 adamdy quraǵan.
Sondaı-aq vedomstvo málimetinshe, Gaza sektoryndaǵy qıraǵan nysandardyń astynda áli de myńdaǵan adamnyń denesi jatýy múmkin.
Úsh kún buryn da Izraıl armııasy Gaza sektorynda ǵımaratty buzdy.