Gaza sektorynda atysty toqtatý týraly kelisimge qol qoıyldy
ASTANA. KAZINFORM – Gaza sektorynda tatýlasý týraly kelisimge qol qoıylýy Mysyrda ótken samıttiń basty oqıǵasy boldy, dep habarlaıdy Kazinfrom agenttiginiń menshikti tilshisi.
AQSh prezıdenti Donald Tramp pen Mysyr, Qatar men Túrkııa basshylary Gazada atysty toqtatý týraly kelisimderdi bekitetin qujatqa qol qoıdy. Qol qoıý rásimi Qyzyl teńiz jaǵalaýynda Mysyrdyń kýrortty Sharm-esh-Sheıh qalasynda 13 qazan kúni bastalǵan «Beıbitshilik - 2025» halyqaralyq sammıtiniń aıasynda ótti.
🚨 BREAKING: President Trump and Middle Eastern leaders have officially SIGNED the Gaza Peace Deal, securing 47’s place in history books as the PEACE PRESIDENT
— Nick Sortor (@nicksortor) October 13, 2025
Congratulations, President Trump! 🇺🇸
pic.twitter.com/pgJsEVOY0r
Qujatqa qol qoımas buryn Donald Tramp onyń aýqymdy ári Gaza sektorynyń bolashaǵynyń negizi men tártibin aıqyndaıtynyn atap ótti.
- Men buny eń qıyn mámile bolady dep oılaǵanmyn jáne solaı boldy da. Aıta keterlik jáıt, búgin keremet komanda men memleketter bas qosty, - dep málimdedi ol.
Іs-sharaǵa 35-ten astam memleket pen halyqaralyq uıymdardyń ókilderi qatysty. Olardyń arasynda 20-dan astam memlekettiń basshysy bar.
The Egyptian Presidency has released the official list of nations and officials slated to participate in the upcoming Sharm El Sheikh Peace Summit.
— Daily News Egypt (@DailyNewsEgypt) October 13, 2025
Heads of State/Government:
📌Egyptian President Abdel Fattah Al-Sisi
📌US President Donald Trump
📌King Abdullah II of Jordan… pic.twitter.com/BzIdYi9kyU
- Bul kún - úsh myń jyldyqtyń nátıjesi. Kelisimniń nátıjeli bolatynyna senimim mol, - dep málimdedi Tramp qol qoıý rásiminde.
Ol sonymen qatar búgingi kelisimniń tarıhı oqıǵa jáne mıllıondaǵan adamnyń tilegine jaýap bolǵanyn aıtty.
AQSh prezıdenti Gaza sektorynda soǵystyń toqtaǵanyn taǵy qaıtalap, arab jáne musylman elderine osy iske qosqan úlesi úshin alǵys aıtty.
Ol sonymen qatar araǵaıyndyq tanytqan Mysyr men Qatarǵa atysty toqtatý týraly kelisimniń bekitilýine kómekteskeni úshin úshin alǵys aıtty.
Mysyr tarapynyń málimetteri boıynsha kezdesý barysynda Gaza sektoryn qalpyna keltirýmen baılanysty kelisimderdi júzege asyrý týraly birneshe konsýltatsııa júrgizildi.
السيد الرئيس يشارك في اجتماع على هامش القمة للتنسيق بين الدول المشاركة بتنفيذ اتفاق وقف الحرب في غزةhttps://t.co/ZjFwCAmOd1#السيد_الرئيس_عبدالفتاح_السيسي #الجمهورية_الجديدة #موقع_الرئاسة pic.twitter.com/CDXsQG8e94
— رئاسة جمهورية مصر العربية (@EGPresidency_AR) October 13, 2025
Mysyr prezıdenti Abdel Fattah as-Sısı májilisti asha otyryp, eki memleketti qurý sheshimi turaqty beıbit ómir jáne Palestına men Izraıl halyqtarynyń úmitin júzege asyrýdyń jalǵyz joly bolyp tabylatynyn málimdedi.
Tramp Mysyr kóshbasshysyn tártip pen turaqtylyqty qamtamasyz ete alǵan myqty jetekshi ekenin aıta kele oǵan alǵysyn bildirdi.
Mysyr prezıdenti de Trampty eldiń eń joǵary nagradasy - «Nil ordenimen» marapattady.
Basqosýda Izraıl men HAMAS ókilderiniń joq bolǵany talqylandy. Premer-mınıstr Bınıamın Netanıahýdyń keńsesi onyń joqtyǵyn ıýdeılik meırammen baılanystyrdy. Alaıda ol Donald Tramptyń jeke ózinen shaqyrtý alǵan bolatyn.
Bolashaq retteý týraly aıta kele AQSh prezıdenti beıbitshilik josparynyń ekinshi fazasy bastalyp ketkenin, terrıtorııany tazalaý men qalpyna keltirý qajet ekenin jetkizdi.
- Gaza úlken jańartýdy qajet etedi,- dedi Tramp.
AQSh kóshbasshysy sonymen qatar Irandy beıbit kelisimge kelý úshin osy tarıhı sátti paıdalanýǵa shaqyrdy.
- Sizder daıyn bolǵanda biz de daıyn bolamyz. Bul Iran tarıhynda qabyldanǵan eń myqty sheshim bolady, - deı kele Tegeran kelissózderge kelisetin bolsa, sanktsııalar alynatynyn jetkizdi.
Sharm-esh-Sheıhte qujatqa qol qoıý rásimi Donald Tramptyń Izraılden bastalǵan Taıaý Shyǵysqa saparynyń qorytyndysy boldy. Ol sapar barysynda Knesette sóz sóılep, «jańa Taıaý Shyǵystyń tarıhı tańy» dep málimdedi.
Gaza sektory boıynsha kelisimge qol qoıý aıasynda Tel-Avıvte otbasy músheleri bir-birimen qaýyshyp jatty. HAMAS qozǵalysy kepilgen alynǵandardan qalǵan 20 adamdy bosatty. Al Izraıl kelisimniń birinshi kezeńiniń aıasynda bir top palestınalyq tutqyndy bosatty.