Gaza sektorynda 51 355 adam qurban boldy
ASTANA. KAZINFORM – Tek sońǵy táýlikte 50 adam eksklavtaǵy Izraıl shabýyldarynyń qurbany boldy. Bul týraly Anadoly habarlady.
2023 jylǵy 7 qazannan beri Izraıl armııasynyń Gaza sektoryna jasaǵan shabýyldary saldarynan qaza tapqan palestınalyqtardyń sany 51 355 adamǵa jetti. Tek sońǵy táýliktiń ózinde anklavta 50 adam Izraıl shabýyldarynyń qurbany boldy.
Bul týraly Gaza sektoryndaǵy Palestına Densaýlyq saqtaý mınıstrliginiń habarlamasynda aıtyldy. Onda anklavtaǵy úzdiksiz Izraıl shabýyldary saldarynan qaza tapqandar men jaralanǵandar týraly sońǵy málimetter keltirilgen.
Sońǵy 24 saǵat ishinde qaza tapqan 50 palestınalyqtyń jáne jaralanǵan 152 adamnyń denesi óńirdegi aýrýhanalarǵa jetkizilgeni aıtyldy.
2024 jylǵy 19 qańtarda kúshine engen atysty toqtatý týraly kelisimdi 18 naýryzda buzǵannan keıin Izraıl armııasy jasaǵan shabýyldardan qaza tapqandar sany 1978-ge, jaralanǵandar sany 5 207-ge jetken.
2023 jylǵy 7 qazannan beri Izraıldiń Gaza sektoryna jasaǵan shabýyldary saldarynan jalpy 51 355 palestınalyq qaza taýyp, 117 248 adam jaraqat alǵan.
Qıraǵan ǵımarattardyń úıindileriniń astynda áli de myńdaǵan adamnyń máıiti jatqany aıtylýda.
Aıta ketelik Izraıl Gaza sektorynda ustalǵan 12 palestındikti bosatty.