Gaza sektorynan Qazaqstannyń barlyq azamaty evakýatsııalandy
Kazinform tilshisine eksklıýzıv suhbat bergen QR Syrtqy ister mınıstri Murat Nurtileý Qazaqstan azamattaryn Gaza sektorynan evakýatsııalaý qalaı júrgizilgenin aıtyp berdi.
«Gaza sektory aýmaǵynda kóptegen qazaqstandyq bolǵanyn eskere otyryp, SІM Qazaqstannyń memlekettik organdarymen birlesip azamattardyń erkindigi men quqyǵyn qorǵaý úshin soǵys júrip jatqan aımaqtan evakýatsııalyq reıster uıymdastyryp, 127 adamdy, onyń ishinde otbasy múshelerin otanyna qaıtardy», - dedi Murat Nurtileý.
Aıtýynsha, qazir Gaza aýmaǵynda bir qazaqstandyq pen onyń 10 otbasy múshesi – Palestına azamattary bar. Olar evakýatsııalaýdan bas tartty.
«Mınıstrlik pen Qazaqstannyń sheteldegi mekemeleri jaǵdaıdy baqylap otyr, eger qazaqstandyqtardy shyǵarý týraly ótinish tússe, evakýatsııa uıymdastyrýǵa daıyn. Sondaı-aq Gaza sektorynda gýmanıtarlyq jaǵdaı nasharlap ketkenine baılanysty Prezıdent Qasym-Jomart Toqaevtyń tapsyrmasymen Qazaqstannan Gaza turǵyndaryna 1 mıllıon AQSh dollary men 38 tonna gýmanıtarlyq kómek jiberilgenin eske sala keteıin. Onyń ishinde azyq-túlik, tósek-oryn jabdyǵy, dári-dármek pen medıtsınalyq buıymdar jáne t.b. zattar bar», - dep atap ótti SІM basshysy.
M.Nurtileý azamattardy Otanyna evakýatsııalaý jumysynyń sátti júrgizilýi men gýmanıtarlyq júkti jetkizý QR memlekettik organdary men sheteldegi ókildikteriniń ortaq jumysynyń nátıjesi ekenin aıtty.
17 qarashada Qazaqstan bıliginiń birinshi evakýatsııalyq borty 99 adamdy – 59 Qazaqstan azamaty men 40 sheteldikti otbasy múshelerimen birge Otanyna jetkizgenin eske sala keteıik. Ekinshi reıs Egıpetten 11 jeltoqsanda kelip, Astanaǵa 28 adamdy – 8 Qazaqstan azamaty men palestınalyq 20 adamdy jetkizdi.
