Gaza sektoryna jasalǵan Izraıl soqqylarynan 30-dan astam adam qaza tapty
ASTANA. KAZINFORM — Izraıldiń Gaza sektoryndaǵy birneshe aýdanǵa jasaǵan áýe soqqylary saldarynan dúısenbi kúni keminde 34 adam qaza tapty, dep jazady Kazinform tilshisi.
Bul týraly AP agenttigi jergilikti densaýlyq saqtaý organdaryna silteme jasap habarlaıdy.
Izraıl bul shabýyldarǵa qatysty ázirge resmı túsinikteme bergen joq.
Al-Araby telearnasynyń málimetinshe, dúısenbi kúni tańerteń Gaza qalasynyń batysyndaǵy Ad-Daradj aýdanynda turǵyn úıge jasalǵan shabýyl saldarynan 3 adam qaza tapqan. Sonymen qatar, Han-ıÝnıs qalasyna baǵyttalǵan soqqylardan keminde 15 adam mert bolǵan. Qalǵan qurbandar anklavtyń basqa aýdandarynda tún ishinde kóz jumǵan. Bul derekter ázirge táýelsiz aqparat kózderimen rastalmady.
#شاهد.. دمار كبير في منزل عائلة نوفل عقب قصف طائرات الاحتلال وارتكابها مجزرة مروعة راح ضحيتها 15 شهيداً وعدد من المصابين بالقرب من صناعة الوكالة بالحي الياباني غربي مدينة خانيونس جنوب قطاع غزة فجر اليوم pic.twitter.com/VR1LYCkv3Z
— المركز الفلسطيني للإعلام (@PalinfoAr) July 28, 2025
Gaza sektorynyń densaýlyq saqtaý mınıstrliginiń deregine sáıkes, dúısenbi kúni Izraıl áskeriniń shabýyldary Han-ıÝnıstiń batysyndaǵy ál-Mavası aýdanyn da qamtyǵan. Turǵyn úıge jasalǵan soqqy saldarynan 12 adam, sonyń ishinde jeti aılyq júkti áıel qaza tapqan.
Palestınalyq Qyzyl Jarty Aıdyń habarlaýynsha, dárigerler hırýrgııalyq operatsııa arqyly áıeldiń ishindegi náresteniń ómirin saqtap qalǵan.
Han-ıÝnıstegi Násir aýrýhanasy taǵy bir shabýyl týraly málimdedi: qalanyń batys aýdanyndaǵy eki qabatty úıge jasalǵan soqqy keminde 11 adamnyń ólimine ákelgen, olardyń kópshiligi – áıelder men balalar.
Sektordyń ortalyǵyndaǵy «Aýda» medıtsınalyq mekemesi AQSh pen Izraıl qoldaıtyn Gýmanıtarlyq kómek qorynyń taratý ortalyǵy mańynan jeti adamnyń máıiti jetkizilgenin habarlady. Bul shabýyl kezinde taǵy 20 adam jaralanǵan.
Jaqynda Izraıl gýmanıtarlyq kómekti jetkizý protsesin jedeldetý maqsatynda Gaza qalasy, Deır-ál-Balah jáne ál-Mavası aýdandarynda saǵat 10:00-den 20:00-ge deıin gýmanıtarlyq úzilis jarııalaǵan bolatyn. Gýmanıtarlyq uıymdardyń habarlaýynsha, shabýyldardyń kópshiligi bul ýaqyttan tys oryn alǵan.
Sol kúni BUU men halyqaralyq uıymdar 120-dan astam júk kóligin gýmanıtarlyq kómekpen jetkizse, taǵy 180 kólik kezekte tur.
🚛Over 120 trucks were collected and distributed yesterday by the UN and international organizations.
— COGAT (@cogatonline) July 28, 2025
🚛An additional 180 trucks entered Gaza and are now awaiting collection and distribution, along with hundreds of others still queued for UN pickup.
More consistent collection… pic.twitter.com/tLY6GO2fvn
Dúısenbide Izraıl Qorǵanys armııasy BAÁ men Iordanııamen birlese otyryp, Gaza sektorynyń soltústik jáne ońtústik bólikterine 20 azyq-túlik paketin áýeden tastaǵanyn málimdedi.
📦✈️DAILY HUMANITARIAN AID AIRDROP: In coordination with the UAE, Jordan and Israel, the IDF, led by @COGATonline , conducted an airdrop of 20 food aid packages over northern and southern Gaza.
— Israel Defense Forces (@IDF) July 28, 2025
Gýmanıtarlyq kómektiń kólemi artqanyna qaramastan, halyqaralyq agenttikter onyń jetkiliksiz ekenin aıtyp, alańdaýshylyq bildirip otyr. Soǵys bastalǵaly beri Izraıl Gaza sektoryna gýmanıtarlyq kómekti shekteý saıasatyn ustanyp keledi. Naýryz aıynda janarmaı, azyq-túlik pen dári-dármek kirgizýge tolyq tyıym salynǵan bolatyn. Mamyrda bul shekteýler ishinara jeńildetildi, alaıda AQSh usynǵan jańa taratý júıesi tártipsizdikter men zorlyq-zombylyqtarǵa tap boldy.
Anklavtan túsip jatqan aryqtaǵan balalardyń sýretteri jahan jurtshylyǵynyń kóńilin alańdatty. AQSh prezıdenti Donald Tramp jeksenbi kúni bul kadrlardy «óte aýyr» dep atady.
Gaza sektoryndaǵy Densaýlyq saqtaý mınıstrliginiń sońǵy derekterine sáıkes, 2023 jyldyń qazanynan beri Izraıldiń áskerı operatsııalary saldarynan 59 800-den astam adam qaza tapqan, olardyń jartysynan kóbi — áıelder men balalar.
Buǵan deıin, jeksenbi kúni, ıemendik hýsıtter Izraılge qarsy teńiz blokadasynyń jańa kezeńin bastaǵanyn jarııalaǵan edi.