Gaza sektoryna jasalǵan áýe soqqysy kezinde HAMAS saıası bıýrosynyń múshesi qaza tapty

ASTANA. KAZINFORM – HAMAS saıası bıýrosynyń múshesi Salah ál-Bardavıl Izraıldiń Gaza sektoryndaǵy Han-ıÝnıs qalasyna jasaǵan áýe soqqysynan qaza tapty, dep habarlaıdy VVS.

Газа секторына жасалған әуе соққысы кезінде ХАМАС саяси бюросының мүшесі қаза тапты
Фото: Anadolu

Bul týraly jeksenbi kúni tańerteń top ókili habarlady.

Bardavıl tanymal tulǵa bolǵan jáne jergilikti BAQ-ta jıi kórinetin.

Jergilikti turǵyndardyń aıtýynsha, Bardavılmen birge onyń jary da qaza tapqan. Reuters agenttiginiń habarlaýynsha, Izraıl zymyrany olardyń duǵa oqyp otyrǵan shatyryn kózdep atqan.

Izraıl bıligi bul málimdemege áli pikir bildirgen joq.

Izraıl áskeri seısenbi kúni Gaza sektoryna aýyr soqqylar jasaýdy qaıta jalǵastyrdy. Tel-Avıv HAMAS-ty Katar, Mysyr jáne AQSh-tyń araǵaıyndyǵymen 19 qańtarda jasalǵan atysty toqtatý kelisimin buzdy dep aıyptaýda. Alaıda HAMAS bul aıyptardy joqqa shyǵardy.

HAMAS baqylaýyndaǵy Gaza Densaýlyq saqtaý mınıstrliginiń málimetinshe, sońǵy táýlikte sektordyń ártúrli bólikterinde 32 palestınalyq qaza tapqan.

Buǵan deıin habarlanǵandaı, Izraıl Gazada áskerı operatsııasyn qaıta bastaǵan úsh kúnniń ishinde jergilikti bıliktiń málimeti boıynsha 600-ge jýyq adam qaza tapqan.

Сейчас читают