Gaza sektoryna Kıprden ekinshi gýmanıtarlyq kómek jolǵa shyqty
ASTANA. KAZINFORM — Úsh keme flotılııasy senbi kúni túste Larnaka portynan shyǵyp, seısenbi kúni tańerteń Palestına anklavynyń jaǵalaýyna jetýi tıis. Kemeler bortynda 400 tonna azyq-túlik bar, dep jazady Euronews.
Gaza sektoryna gýmanıtarlyq kómektiń ekinshi legi teńiz dálizi arqyly Kıprden jóneldi.
Open Arms jáne World Central Kitchen qaıyrymdylyq uıymdary jınaǵan úsh keme flotılııasy senbi kúni tústen keıin Larnaka portynan shyǵyp, seısenbi kúni tańerteń Palestına anklavynyń jaǵalaýyna jetýi kerek.
Kemeler bortynda 400 tonna azyq-túlik bar.
Kúrish, makaron jáne un sııaqty mańyzdy taǵamdardan basqa, qasıetti Ramazan aıynda musylmandar aýyz ashatyn qurma da bar.
WCK’s 2nd maritime aid shipment set sail from Cyprus to Gaza with hundreds of tons of food & machinery to expedite offloading. We’re sending shelf stable & ready-to-eat food & a special delivery of dates provided by the UAE for Palestinians observing Ramadan.#ChefsForThePeople pic.twitter.com/KYTHbXSrcL
— World Central Kitchen (@WCKitchen) March 30, 2024
Teńiz gýmanıtarlyq dálizin naýryz aıynyń basynda Eýropalyq komıssııa jáne halyqaralyq donorlar Izraıl bıligimen kelise otyryp qurdy, olar júkti jóneltpes buryn aldyn ala tekserýdi talap etti.
Birinshi keme Palestına anklavyna 200 tonnadan astam azyq-túlik pen basqa da qajetti taýarlardy jetkizdi.
Kóptegen gýmanıtarlyq uıymdar teńiz dáliziniń qurylýyn quptap, Gazadaǵy asharshylyq qaýpine baılanysty qabyldanǵan sharalardyń jetkiliksiz ekenin atap ótti jáne gýmanıtarlyq qoljetimdilikti dereý arttyrýdy talap etti.
Iordanııanyń Syrtqy ister mınıstri Aıman Safadı senbi kúni Izraıl kómek jetkizý úshin (barlyq) qurlyq ótkelderin ashsa, Gazadaǵy ashtyqpen tez kúresýge bolatynyn aıtty.
Qazirgi ýaqytta kómek Rafah, Kerem Shalom jáne Beerıdegi baqylaý beketteri arqyly Izraıl bıligi júrgizgen tekserýden keıin anklavqa jetedi.
Izraıl jaǵdaıdy gýmanıtarlyq uıymdardyń júk taratpaýymen, sondaı-aq HAMAS sodyrlarynyń júk kólikterin tonaýymen baılanystyrady.
