Gaza sektoryna bes elden gýmanıtarlyq kómek jetkizildi
ASTANA. KAZINFORM — Izraıl Qorǵanys armııasynyń málimetinshe, azyq-túlik tıelgen 90 gýmanıtarlyq paket anklavqa áýe arqyly jetkizilgen, dep habarlaıdy TASS.
Izraıl áskeri senbi kúni Gaza sektoryna gýmanıtarlyq kómekti jetkizý jumystaryn jalǵastyrǵanyn armııanyń baspasóz qyzmeti habarlady.
— Saıası basshylyqtyń nusqaýlaryna sáıkes jáne Izraıl, Birikken Arab Ámirlikteri, Iordanııa, Mysyr, Frantsııa jáne Germanııa arasyndaǵy yntymaqtastyq aıasynda Izraıl Qorǵanys armııasy Gaza sektoryna gýmanıtarlyq kómekti arttyrýǵa baǵyttalǵan birqatar sharany júzege asyryp jatyr. Sońǵy birneshe saǵat ishinde bes el Gaza sektorynyń ońtústigi men soltústigindegi turǵyndarǵa áýe arqyly 90 gýmanıtarlyq paket jetkizdi, — delingen resmı málimdemede.
Sondaı-aq, Izraıl Qorǵanys armııasy «Gaza sektorynda gýmanıtarlyq kómektiń kórsetilý jaǵdaıyn jaqsartý maqsatynda halyqaralyq qaýymdastyqpen yntymaqtastyqty jalǵastyratynyn» jáne «Gazada ádeıi ashtyq týyndatylyp jatyr» degen jalǵan aıyptaýlardy joqqa shyǵaratynyn málimdedi.
Aıta ketelik Germanııa Gaza sektoryna áýeden gýmanıtarlyq kómek tastaı bastaǵany týraly jazǵan edik.