Gaza sektoryna gýmanıtarlyq kómek tıelgen alǵashqy keme Kıprden shyqty
ASTANA. KAZINFORM — Seısenbi kúni Open Arms kemesi Kıprdegi Larnaka portynan shyǵyp, býksırli barjaǵa tıelgen 200 tonna azyq-túlik Gaza sektory jaǵalaýyna bet aldy.
Keme Gaza sektoryna kómek jetkizý jáne anklavtaǵy aýyr gýmanıtarlyq jaǵdaıdy jeńildetý úshin teńiz dálizin ashady.
Kıprlik sheneýnikterdiń aıtýynsha, Jerorta teńiziniń shyǵysy arqyly Gaza sektoryna jetý eki kúnge sozylýy múmkin. Osy ýaqyt ishinde keme 320 shaqyrym qashyqtyqty júrip ótedi. Barjaǵa 200 tonna azyq-túlik – kúrish, un, burshaq, kókónis konservileri jáne proteın tıelgen.
WCK-provided aid has set sail for Gaza on the @openarms_fund boat. We dispatched almost 200 tons of food—rice, flour, legumes, canned veggies & proteins. Alongside the @UAEAid & @CyprusMFA, our Relief Team is working to send as many aid boats as possible.#ChefsForThePeople pic.twitter.com/oypXF8WbDH
— World Central Kitchen (@WCKitchen) March 12, 2024
Birikken Arab Ámirlikteri qarjylandyrǵan mıssııany AQSh-tyń World Central Kitchen (WCK) qaıyrymdylyq uıymy uıymdastyrdy. Keme ıspandyq Proactiva Open Arms qaıyrymdylyq uıymyna tıesili, dep habarlady Reuters.
«Bizdiń maqsatymyz - azyq-túlik toly qaıyqtar men barjalardyń gaza sektoryna turaqty jetkizilip turýyn qamtamasyz etetin teńiz magıstralin qurý», - dedi WCK kompanııasynyń negizin qalaýshy Hose Andres pen Bas dırektor Erın Gor.
Qaırymdylyq qorlary Hamas sodyrlarynyń 7-shi qazan kúni jasaǵan shabýyldaryna jaýap retinde Izraıldiń áskerı áreketterge kóshýine baılanysty álemnen oqshaýlanǵan Gaza sektoryna tikeleı kómek kórsetýdi kózdep otyr.
Port ınfraqurylymynyń bolmaýyna baılanysty WCK Gazada qıraǵan ǵımarattar men qoqystardan alynǵan materıaldardy paıdalanyp aılaq salyp jatqanyn aıtty. Bul gýmanıtarlyq kómekti teńiz arqyly jetkizýdi jeńildetý úshin ótken aptada AQSh prezıdenti Djo Baıden jarııalaǵan Gaza sektorynda ýaqytsha port salý josparyna qosymsha retinde qolǵa alynǵan bólek bastama.
– Qurylys jumystary qarqyndy júrip jatyr. Biz sátsizdikke ushyraýymyz da múmkin, biraq eń úlken sátsizdik — eshnársege talpynbaý», - dep jazdy Hose Andres X áleýmettik jelisinde bolashaq aılaq úshin teńizge jaqyn jerdi tegistep jatqan býldozerlerdiń sýretterin jarııalap.
