Gaza men Batys jaǵalaýdaǵy saılaý: Abbas jaqtaýshylary kópshilik daýys jınady
ASTANA. KAZINFORM – Daýys berý soǵys, Gazadaǵy halyqtyń az qatysýy jáne HAMAS tarapynan boıkot jaǵdaıynda ótti, dep habarlaıdy Kazinform agenttiginiń Taıaý Shyǵystaǵy menshikti tilshisi.
Demalys kúnderi Iordan ózeniniń Batys jaǵalaýy men Gaza sektorynda mýnıtsıpaldyq saılaý ótti.
Al Jazeera arnasynyń habarlaýynsha, Palestına ulttyq ákimshiliginiń (PUÁ) prezıdenti Mahmud Abbasty jaqtaýshylar kópshilik orynǵa ıe boldy.
Habarlanǵandaı, Gaza sektorynda saılaý shamamen jıyrma jyl ishinde alǵash ret ótti. Daýys berý tek anklavtyń ortalyq bóligindegi Deır-el-Balah qalasynda ótti jáne synaq jáne kóbine sımvolıkalyq sıpatqa ıe boldy.
Loyalists of President Mahmoud Abbas won most races in Palestinian municipal elections, election officials said, in a vote that for the first time in nearly two decades included a city in the besieged Gaza Strip https://t.co/DcgD4RwApM pic.twitter.com/WJ9x6Yucv8
— Al Jazeera English (@AJEnglish) April 26, 2026
PUÁ Ortalyq saılaý komıssııasynyń málimetinshe, Deır-el-Balahtaǵy mýnıtsıpaldyq keńeste 15 oryn úlestirilgen. FATH qozǵalysy qoldaǵan tizim alty mandatqa, al jergilikti turǵyndar men taldaýshylar HAMAS-pen baılanystyratyn tizim tek eki orynǵa ıe boldy.
Qalǵan mandattar eki táýelsiz top – «Deır-ál-Balah bolashaǵy» jáne «Beıbitshilik jáne qurylys» arasynda bólindi.
Gaza sektorynda daýys berý tek Deır-el-Balah qalasynda ótti, sebebi ol 2023 jyldyń qazan aıynan beri ótip jatqan Izraıl áskerı operatsııasy barysynda anklavtyń basqa aımaqtaryna qaraǵanda az zııan shekken dep baǵalandy.
Komıssııa basshysy Ramı Hamdallah Ramallada ótken baspasóz máslıhatynda sońǵy qorytyndy keıinirek jarııalanatynyn málimdedi.
Palestına saılaý komıssııasynyń málimdemesine sáıkes, Batys jaǵalaýda daýys berý jergilikti 183 keńeste ótti, al 197 bılik organynda kandıdattar daýys berýsiz saılanǵan. Barlyǵy 522 myńǵa jýyq saılaýshy qatysty, jalpy qatysý shamamen 54-56% qurady.
Palestına prezıdenti Mahmud Abbastyń Fath qozǵalysy basym bolyp otyrǵan Iordan ózeniniń Batys jaǵalaýynda HAMAS qozǵalysy saılaýdy boıkottady. Aqyry Abbasqa jaqyn kandıdattar mýnıtsıpalıtetterdiń kóbinde aıtarlyqtaı básekesiz jeńiske jetti.
🔴 Prime Minister Dr. Mohammad Mustafa at the Press Conference Announcing the Local Elections Results: ⤵️ pic.twitter.com/uNU3XF5fSI
— PM of Palestine (@PalestinePMO) April 26, 2026
Gaza sektorynda saılaýshylardyń qatysýy Batys jaǵalaýǵa qaraǵanda aıtarlyqtaı tómen boldy.
Resmı málimetterge sáıkes, tirkelgen 70 myńǵa jýyq saılaýshynyń shamamen 22,7-23%-y Deır-el-Balahta daýys berdi, al Batys jaǵalaýda daýys berýge tirkelgen shamamen 1,5 mln azamattyń 56%-ǵa deıini qatysty.
Habarlanǵandaı, Gaza sektorynda saılaýshylardyń az qatysýy eskirgen halyq tizilimin paıdalanýmen, sondaı-aq jappaı qonys aýdarý jáne áskerı is-qımyldar saldarymen baılanysty boldy.
PUÁ ókilderi saılaýdy ótkizý «erekshe jaǵdaılar» jáne ótip jatqan shaıqastarǵa qaramastan múmkin bolǵanyn atap ótti.
Abbas palestınalyqtardy jergilikti saılaýmen quttyqtap, onyń ulttyq jáne demokratııalyq ómir úshin mańyzdylyǵyn atap ótti.
- Saılaý Palestına halqynyń ulttyq jáne demokratııalyq rýhyn, qıyn jáne erekshe jaǵdaılarǵa qaramastan óz quqyqtaryn júzege asyrýǵa degen umtylysyn tanytyp otyr, - dep atap ótti ol.
President Abbas congratulates Palestinians on successful local electionshttps://t.co/SJNbsZGuNq pic.twitter.com/UfTW2wiDGw
— WAFA News Agency - English (@WAFANewsEnglish) April 26, 2026
Baıqaýshylar sondaı-aq Gaza sektorynda daýys berý aıtarlyqtaı shekteýlerge ushyraǵanyn jetkizdi. Izraıldiń shekteýlerine baılanysty keıbir saılaý jabdyqtary anklavqa jetkizilmedi, al WAFA agenttigi jergilikti turǵyndar bıýlletenderdi ózderi basyp shyǵaryp, daýys berý jáshikterin ózderi daıyndaýǵa májbúr bolǵanyn atap ótti.
DW habarlaýynsha, BUU-nyń okkýpatsııalanǵan Palestına aýmaqtary boıynsha gýmanıtarlyq úılestirýshisi Ramız Alakbarov saılaý palestınalyqtardyń erekshe qıyn kezeńde demokratııalyq quqyqtaryn júzege asyrýy úshin mańyzdy múmkindik bolǵanyn málimdedi.
Palestına saılaý komıssııasy daýys berý «Palestına halqynyń óz jerinde qalýyna jáne elin damytýǵa degen erik-jigerin kórsetetinin» málimdedi.
- Negizgi ıdeıa – Batys jaǵalaý men Gazany biryńǵaı júıege saıası biriktirý, - dep málimdedi saılaý komıssııasynyń ókili Farıd Taamalla.
Palestına bıligi Deır-el-Balahta daýys berýdi Gaza sektory men Batys jaǵalaýy arasyndaǵy baılanysty kórsetý jáne FATH pen HAMAS arasynda 2007 jyldan beri jalǵasyp kele jatqan saıası bólinýge qaramastan bolashaqta birikken Palestına memleketi ıdeıasyn atap ótý áreketi retinde qarastyryp otyr.
Osyǵan deıin Gaza sektorynda qaza tapqandar sany 72 553 adamǵa jetkenin jazdyq.
