Gaz jobalaryna qatysty jańa modeldik tetikter engiziledi - mınıstrlik

NUR-SULTAN. QazAqparat – Elimizde gaz jobalaryna arnalǵan jaqsartylǵan modeldik kelisimshart tetigi engiziledi. Bul týraly QR Energetıka mınıstri Bolat Aqsholaqov aıtty, dep habarlaıdy QazAqparat tilshisi.

«Memleket basshysy gaz óndirý jónindegi jańa jobalar úshin fıskaldyq preferentsııalardy pysyqtaýdy tapsyrdy. Búgingi tańda jer qoınaýyn paıdalanýǵa, onyń ishinde gaz jobalaryna arnalǵan jaqsartylǵan modeldik kelisimshart tetigin engizý boıynsha zańnamalyq ózgerister toptamasy ázirlendi. Máselen, salyqtan bosatý túrinde retteýshilik jáne fıskaldyq preferentsııalar kózdeledi», - dedi mınıstr Ortalyq kommýnıkatsııalar qyzmetindegi baspasóz máslıhatynda.

Sonymen qatar onyń atap ótýinshe, gaz jobalary úshin gazǵa yntalandyrý baǵasyn ázirleý boıynsha jumys júrgizilýde. Zańnamaǵa tıisti túzetýler osy jyldyń sońyna deıin qabyldanatyn bolady.

«Bul is-sharalar shamamen 93,6 mlrd tekshemetr kóleminde gazdyń jıyntyq qory bar gaz ken oryndaryn ıgerýdi jáne 2030 jylǵa qaraı jylyna 6,7 mlrd tekshe metr kóleminde taýarlyq gazdy qosymsha óndirýdi qamtamasyz etýge múmkindik beredi», - dedi Bolat Aqsholaqov.

Foto: ortcom.kz