Gaz tasymaldaýshy kompanııanyń Atyraýdaǵy fılıaly 3,2 mln teńge aıyppul tóledi
Tabıǵı monopolııalardy retteý komıteti Atyraý oblysy boıynsha departamentiniń baspasóz qyzmetinen málim etkendeı, eki tutynýshydan «QazTransGazAımaq» AQ Atyraý óndiristik fılıalyna qatysty shaǵym túsken. Shaǵymdanýshylar fılıaldyń gazben jabdyqtaý jelilerine qosýǵa tehnıkalyq sharttardy berýden bas tartqanyn kórsetken.
«Osyǵan baılanysty «QazTransGazAımaq» AQ-nyń Atyraý óndiristik fılıalyna qatysty jospardan tys tekserý taǵaıyndady. Tekserý nátıjesimen 2021 jylǵy 9 jeltoqsanda «QazTransGazAımaq» AQ-nyń Atyraý óndiristik fılıalyna qatysty ákimshilik is qozǵaldy. Tutynýshylarǵa gazben jabdyqtaý jelilerine qosýǵa tehnıkalyq sharttar berý arqyly tabıǵı monopolııalar týraly zańnamasyn buzýshylyqtardy joıý týraly nusqama berildi. Alaıda, «QazTransGazAımaq» AQ-nyń Atyraý óndiristik fılıaly atalǵan nusqamany zańnamada belgilengen merzimde oryndamady. Atyraý oblysy boıynsha mamandandyrylǵan aýdanaralyq ákimshilik sotyna shaǵym túsirdi. Joǵarǵy Soty 2023 jylǵy 23 aqpanda Atyraý oblysynyń amandandyrylǵan aýdanaralyq ekonomıkalyq sotynyń 2022 jylǵy 11 naýryzdaǵy sheshimin jáne Atyraý oblystyq sotynyń ákimshilik ister jónindegi sot alqasynyń 2022 jylǵy 21 maýsymdaǵy qaýlysyn ózgerissiz, al «QazTransGazAımaq» AQ Atyraý óndiristik fılıalynyń kassatsııalyq shaǵymyn qanaǵattandyrýsyz qaldyrýǵa qaýly shyǵardy», -dep habarlady óńirlik departamentten.
Tutynýshylarǵa gazben jabdyqtaý jelilerine qosylýǵa tehnıkalyq sharttar berildi.
Sondaı-aq, sottyń 2023 jylǵy 24 naýryzdaǵy qaýlysymen «QazTransGazAımaq» AQ-nyń Atyraý óndiristik fılıalyna 3 mln 267 myń 040 teńge kóleminde aıyppul salyndy. Aıyppul tolyqtaı tólendi.
Eske sala ketelik, budan burynAtyraýda jumysshy quqyǵyn buzǵan 21 kásiporyn 4 mln teńge aıyppul tólegenin jazǵan edik.