Gaz salasyn tsıfrlandyrý: tutynýshylarǵa AI-kómekshi qyzmet kórsetedi
ASTANA. KAZINFORM – Qazaqstanda gaz salasyn tsıfrlandyrý aıasynda tutynýshylarǵa arnalǵan jańa onlaın servıster engizilip, gaz taratý jelileriniń 91%-y tsıfrlyq formatqa kóshirildi. Bul týraly Úkimet otyrysynda Energetıka mınıstri Erlan Aqkenjenov málimdedi.
Mınıstrdiń aıtýynsha, tutynýshylarǵa qyzmet kórsetý sapasyn arttyryp, tsıfrlyq servısterdi damytý maqsatynda gaz salasyn tsıfrlandyrý boıynsha birqatar joba iske asyrylyp jatyr.
Aqyl Energy jobasy aıasynda gazdy esepke alýdyń ıntellektýaldyq qurylǵylary engizilýde. Búginde 49 myń smart-eseptegish jetkizilgen. Joba tolyq iske asqanda 1 mln 352 myń esepke alý aspaby qamtylady.
— Sondaı-aq QazaqGaz Aimaq kompanııasy tutynýshylarǵa gaz eseptegishiniń kórsetkishterin onlaın joldaýǵa bolatyn tsıfrlyq servısti iske qosty. Qyzmettiń basty artyqshylyǵy — eseptegishtiń fotosýreti arqyly kórsetkishterdi avtomatty túrde taný. Bul derekterdi engizý úderisin edáýir jeńildetedi. Sonymen birge tutynýshylar naqty ýaqyt rejıminde gaz tutyný kólemin, tólemder tarıhyn, esepteýler men bereshek týraly aqparatty kóre alady, — dedi mınıstr.
Jańa servıste esepteý quralyn merzimdik tekserýden ótkizý qajettigi týraly avtomatty habarlamalar jiberilip, táýlik boıy jumys isteıtin AI-kómekshi paıdalanýshylarǵa keńes beredi.
Gaz salasyn tsıfrlandyrý aıasynda mınıstrlik gazben jabdyqtaýǵa qosylýǵa arnalǵan tehnıkalyq sharttardy berý jónindegi memlekettik qyzmetti tsıfrlandyryp jatyr. Nátıjesinde qaǵaz qujat aınalymy men azamattardyń gaz uıymdaryna jeke barý qajettiligi joıyldy. Endi ótinishterdi eGov portaly men eGov Mobile qosymshasy arqyly onlaın berýge bolady.
Mınıstrdiń aıtýynsha, bul memlekettik qyzmettiń ashyqtyǵyn arttyryp, adamı faktor men sybaılas jemqorlyq qaterin azaıtqan.
Budan bólek, elimizdegi gaz taratý jelilerin tsıfrlandyrý jumystary jalǵasyp jatyr. Qazirgi tańda 65 myń shaqyrym gaz jelisi nemese jalpy kólemniń 91%-y, sondaı-aq 2 mln 330 myń tutynýshynyń derekteri, ıaǵnı 93%-y biryńǵaı tsıfrlyq bazaǵa engizilgen.
— Mınıstrlik taýar bırjalarynan tys ishki naryqqa suıytylǵan munaı gazyn jetkizý josparyn qalyptastyrý jónindegi memlekettik fýnktsııany avtomattandyrdy. Ashyqtyq pen tıimdilikti arttyrý maqsatynda mınıstrlik oblystardyń, respýblıkalyq mańyzy bar qalalardyń jáne astananyń jergilikti atqarýshy organdary júrgizetin suıytylǵan gaz kólemderin naryq sýbektileri arasynda bólý protsesin avtomattandyrdy. Qazir pılottyq joba Astana jáne Shymkent qalalary men Batys Qazaqstan oblysynda iske qosyldy. Jyl sońyna deıin elimizdiń barlyq óńirinde iske qosýdy josparlap otyrmyz. Energetıka mınıstrligi osy suraqqa erekshe nazar aýdarady, — dedi Erlan Aqkenjenov.
Aıta keteıik, Qazaqstanda gazdandyrý deńgeıi 64,2% jetti. Taýarlyq gazdyń resýrstyq bazasyn ulǵaıtý maqsatynda jańa ken oryndaryn ıgerý josparlanyp otyr.
2035 jylǵa qaraı qazaqstandyqtardyń 80 paıyzy tabıǵı gazǵa qol jetkizedi.
