Gaz óńdeý, sý tuşytý, elektr stansasy – Prezıdent iri ınfraqurylymdyq jobalar týraly

BÝRABAI. KAZINFORM – Memleket basshysy Qasym-Jomart Toqaev Býrabaıda ótip jatqan Ulttyq quryltaıdyń IV otyrysynda elimizdegi iri ınfraqurylymdyq jobalar týraly aıtyp berdi.

− Qazir búkil elimizde iri ınfraqurylymdyq jobalar júzege asyrylyp jatyr. Atap aıtqanda, 2025-2026 jyldardyń ózinde Qashaǵan kenishinde gaz óńdeý zaýytyn, sonymen birge, «Taldyqorǵan – Úsharal» magıstraldi gaz qubyry men «Beıneý – Bozoı – Shymkent» gaz qubyrynyń ekinshi jelisin iske qosý josparlanǵan, − dedi Qasym-Jomart Toqaev.

Úkimet Qyzylorda jáne Túrkistan oblystarynda bý-gaz qurylǵysyna negizdelgen elektr stansasyn salady. Oǵan qosa, Almatydaǵy JEO-2 jáne JEO-3 jańǵyrtylady.

− «Kendirli» demalys aımaǵynda sý tuşytatyn zaýyt jumys isteı bastaıdy. Kásiporyn Jańaózen qalasy turǵyndaryn aýyz sýmen turaqty qamtamasyz etedi. Qaraǵandyda jáne Ekibastuzda bolat qorytatyn zaýyttar, Jambyl oblysynda mıneraldy tyńaıtqysh óndiretin hımııa kesheni paıdalanýǵa beriledi, − dedi Prezıdent.

Prezıdent Torǵaı óńiriniń damýyna tyń serpin beretin aýqymdy joba týraly aıtqan bolatyn.