Gaz óńdeý kásipornynan 882 mln teńge aktsız bereshegi óndirip alyndy
ASTANA. KAZINFORM — Jambyl aýdanynyń prokýratýrasymen salyq zańnamasynyń saqtalýyna júrgizilgen tekserý barysynda aktsız salyǵyn ákimshilendirý kezinde memlekettik kirister organdary qyzmetinde zań buzýshylyqtar anyqtaldy. Bul týraly Prokýratýra málim etti.
Atap aıtqanda, aýdan aýmaǵyndaǵy gaz óńdeý kásiporny aktsız salyǵyn tóleý boıynsha naqty mindettemeleri bola tura salyq deklaratsııalaryn nóldik kórsetkishtermen usynǵan.
— Bereshektiń bolýyna qaramastan, ýákiletti organ tarapynan ony óndirip alý boıynsha tıisti sharalar ýaqtyly qabyldanbaǵan. Tekserý nátıjesinde kásiporynnyń 2025 jyldyń qazan aıynan bastap jalpy somasy 882 043 240 teńge kólemindegi aktsız salyǵyn tólemegeni anyqtaldy, — delingen habarlamada.
Memlekettik kirister basqarmasynyń atyna engizilgen prokýrorlyq qadaǵalaý aktisiniń nátıjesinde atalǵan soma memlekettik bıýdjetke tolyq kólemde óndirildi. Jalpy, aǵymdaǵy jyldyń bes aıynyń qorytyndysy boıynsha Jambyl aýdanynyń prokýratýrasymen memleket kirisine 1 mlrd teńgeden astam qarajattyń óndirip alynýy qamtamasyz etildi.
Aıta keteıik, Qazaqstanda munaı ónimderine jańa aktsız mólsherlemeleri qabyldandy.
