Gaz mamandary kúzgi-jysqy jylytý maýsymynyń sátti ótýin qamtamasyz etti
ASTANA. KAZINFORM - QazaqGaz kompanııalar toby 2024-2025 j.j., kúzgi-qysqy jylytý maýsymynyń nátıjesin shyǵardy. Jınalys «QazaqGaz» UK» AQ Basqarma tóraǵasy Sanjar Jarkeshovtiń qatysýymen ótti.
Іs-shara barysynda «Intergaz Ortalyq Azııa» AQ jáne «QazaqGaz Aimaq» AQ birinshi basshylarynyń jylytý maýsymy men gazben qamtamasyz etý júıesiniń beriktigin arttyrý týraly baıandamalary tyńdaldy.
- Gazdy tasymaldaý jáne taratý júıeleri turaqty jáne úzdiksiz jumysyn kórsetti. Bul búkil QazaqGaz ujymynyń uıymdasqan jumysynyń jáne jylý berý maýsymyna joǵary daıyndyqtyń nátıjesi. Degenmen, kelesi jylytý maýsymy múlde basqasha bolýy múmkin ekenin este ustaǵan jón. Osyǵan baılanysty aldaǵy kúzgi-qysqy kezeńde tutynýshylardy gazben qaýipsiz qamtamasyz etý máseleleri boıynsha daıyndyq jumystary bastalyp ketti, - dedi Sanjar Jarkeshov.
Elimizdiń 7 oblysynda, sonyń ishinde Almaty, Shymkent jáne ońtústik jáne shyǵys oblystarda jylý berý maýsymy aıaqtaldy. Qazaqstanda gazdy tutyný ótken jyldyń sáıkes kezeńimen salystyrǵanda 6 paıyzǵa, jerasty gaz qoımalarynan taýarlyq gazdy irikteý 11 paıyzǵa artqan. «Bozoı» JGQ óz tarıhynda alǵash ret rekordtyq 2,6 mlrd m³ gaz jınaý kólemine qol jetkizdi. Jospar 2,5 mlrd m³ (104%) bolǵan.
Sondaı-aq, «Poltoratskoe» JGQ – 350 mln. m³ (100%) irikteý aıaqtaldy, al Aqyrtóbe JGQ irikteý jumystary jalǵasýda, onda josparlanǵan kólemniń 97,1% oryndalady dep kútilýde. Gazdyń maksımaldy saǵattyq tutynýy saǵatyna 4 582 myń m³ jetti. Apattyq-dıspetcherlik qyzmet 46 633 ótinishti óńdedi.
72,5 myń shaqyrymnan astam gaz taratý jelisi men 35 301 nysannyń úzdiksiz jumysyn 4064 qyzmetker, onyń ishinde apattyq-dıspetcherlik qyzmettiń 794 jumysshysy táýlik boıy kezekshilikte qamtamasyz etti.
«Azııa gaz qubyry» JShS basshylyǵy da qysqy jaǵdaıda Qazaqstan-Qytaı magıstraldyq gaz qubyryn paıdalanýdyń sátti aıaqtalǵany týraly baıandady. Qazaqstan úshin de gaz jetkilikti boldy. QHR aldyndaǵy eksporttyq mindettemeler oryndaldy. QazaqGaz gazben jabdyqtaý senimdiligi men tıimdiligin arttyrý boıynsha jumysty jalǵastyrýda. Aldaǵy jylytý maýsymyna daıyndyq ulttyq kompanııa basshylyǵynyń erekshe baqylaýynda.
Kezdesý qorytyndysy boıynsha ınfraqurylymdy jańǵyrtý, profılaktıkany kúsheıtý, suranysty basqarýdaǵy ıkemdilikti arttyrý boıynsha usynystar ázirlendi. Bul sharalardyń barlyǵy kelesi jylytý maýsymyn budan da senimdi jáne qaýipsiz ótkizýge baǵyttalǵan.