Gaz qubyrlaryn Ulttyq operatorǵa berý rásimi jeńildetilýi múmkin
ASTANA. KAZINFORM – Bul týraly Ortalyq kommýnıkatsııalar qyzmetinde ótken baspasóz májilisinde QR Energetıka vıtse-mınıstri Qaıyrhan Tutqyshbaev aıtty.
Onyń aıtýynsha, Parlament Májilisiniń depýtattary bastamashylyq etken zań jobasy gaz salasyndaǵy birqatar ózgeristi kózdeıdi. Sonyń ishinde gaz qubyrlaryn memlekettik menshikten gaz jáne gazben jabdyqtaý salasyndaǵy Ulttyq operatordyń menshigine berý tetigin jetildirý qarastyrylǵan.
– Gaz qubyrlaryn memlekettik menshikten gaz jáne gazben jabdyqtaý salasyndaǵy Ulttyq operatordyń menshigine tikeleı óteýsiz berý, berý merzimderi men rásimderin edáýir qysqartýǵa múmkindik beredi, - dedi spıker.
Vıtse-mınıstrdiń málimetinshe, zań jobasy sonymen qatar taýarlyq gaz tutynýdy esepke alýdy tsıfrlandyrýdy, gazdy tıimdi paıdalaný tetikterin engizýdi jáne gazben jabdyqtaý sapasyn arttyrýdy kózdeıdi.
Aıta keteıik, «Qazaqstan Respýblıkasynyń keıbir zańnamalyq aktilerine gazben jabdyqtaý jáne elektr energııasy máseleleri boıynsha ózgerister men tolyqtyrýlar engizý týraly» zań jobasy 11 maýsymda Parlament Senatynda eki oqylymda qabyldandy. Qazirgi ýaqytta Memleket basshysynyń qol qoıýy kútilip otyr.
Eske salaıyq, Qazaqstanda 2035 jylǵa deıin jańa munaı-gaz ken oryndaryn ıgerý jospary ázirlendi.
