Gaz eksportyn 5 mlrd tekshe metr deńgeıinde saqtaý kerek - QazaqGaz
«Іshki naryqty damytý baǵytynda kompanııa 2030 jylǵa qaraı gazdandyrý deńgeıin 65 paıyzǵa deıin arttyrýdy jáne shyǵyndy ahýaldy eńserýdi josparlap otyr. Elimizde gazdandyrý bas kestesin júzege asyrý táýelsiz gaz taratý uıymdarynyń jeke ınvestıtsııalaryn tartý arqyly jalǵasady», - dedi S. Jarkeshov.
Onyń aıtýynsha, gazdy tasymaldaý boıynsha jańa baǵyttardy iske asyrý osy jobalar tıimdi bolsa ǵana júrgiziledi.
«Sonymen qatar, Qazaqstan gazynyń eksportyn 5 mlrd tekshe metr deńgeıinde saqtaýǵa basymdyq berilýi kerek. Bul óz kezeginde ulttyq kompanııa shyǵynǵa batpaýy úshin mańyzdy», - dedi basqarma tóraǵasy.
Onyń sózine qaraǵanda, kompanııa kommertsııalyq tutynýshylarǵa taýarly gazdy ótkizý salasynda deldal qurylymdardy joıý boıynsha jumystardy júrgizip jatyr.
«Máselen, QazaqGaz-dan bir tekshe metrin 5,5 teńgeden satyp alyp, keıin onyń tekshe metrin 32 teńgeden ótkizgen deldal anyqtaldy», - dedi kompanııa basshysy.
Budan buryn habarlanǵandaı, 2025 jylǵa qaraı otandyq gazdyń tapshylyǵy bolýy múmkin.
El ishinde gaz tutyný kólemi turaqty túrde ósip keledi.
El óńirlerin gazdandyrý jumysyna qosymsha 50,1 mlrd teńge bólindi.
