Gaz ballonynyń jarylýynan zardap shekken jigit ómirden ótti
ASTANA. QazAqparat - Qaraǵandy oblysyna qarasty Soltústik-Batys eldi mekeninde gaz ballonynyń jarylýynan zardap shekken Danııl Efremov ómirden ótti, dep habarlaıdy QazAqparat oblystyq densaýlyq saqtaý basqarmasynyń baspasóz qyzmetine silteme jasap.
«Ókinishke oraı, jigit búgin tańǵa jaqyn qaıtys boldy. Onyń denesiniń 60 paıyzyn kúıik shalǵan. Dárigerler onyń ómiri úshin sońyna deıin kúresip, qoldarynan kelgenniń bárin jasady. Biraq, teriniń mundaı zaqymdanýy kezinde birdeńe jasaı qoıý óte qıyn», - dedi basqarmanyń baspasóz qyzmetindegiler.
Al zardap shekken boıjetkenniń jaǵdaıy aýyr bolǵanymen turaqty dep baǵalanýda.
«Ol kúıikke qarsy tósekte, reanımatsııada jatyr. Qajetti kómektiń barlyǵy kórsetilýde. Ol esin biledi, ózi tynys alyp jatyr», - dedi basqarmadaǵylar.
Aıta keteıik, 19 aqpan kúni saǵat 17-00-de Qaraǵandy oblysynyń Shahtınsk qalasy Soltústik-Batys eldi mekeniniń Zagarajnoı kóshesi boıyndaǵy №3 ekipáterli úıde gaz ballony jarylǵan bolatyn. Jarylys saldarynan jigit pen boıjetken zardap shegip, aýrýhana jetkizilgen.
