Gaz ballonynyń jarylýy saldarynan Mańǵystaý turǵynynyń denesin 100% kúıik shaldy
ASTANA. QazAqparat - Mańǵystaý oblystyq aýrýhanasyna ІІ dárejeli kúıikpen zardap shekken adam jatqyzyldy. Ol jansaqtaý bóliminde jatyr, aǵdaı óte aýyr, dep habarlady lada kz.
Dárigerdiń aıtýynsha, zardap shegýshi janarmaı quıý stansasynda gaz ballonynyń jarylýy saldarynan kúıip qalǵan.
«Er adam ІІ dárejeli termıkalyq kúıik alǵan. Naýqastyń aıtýynsha, ol jarylys kezinde laýlaǵan órttiń ortasynda qalǵan. Oqıǵa 29 shildede saǵat 19.00-de boldy. Aqshymyraý aýyldyq dárigerlik ambýlatorııa feldsheri 28 jastaǵy er adamdy shuǵyl túrde aýdandyq aýrýhananyń qabyldaý bólimine jetkizgen. Shaqyrtý boıynsha qajetti mamandarmen brıgada oqıǵa ornyna shyqty. 03.00-de ony aýyr jaǵdaıda aýrýhanaǵa jetkizdi», - dedi sanıtarlyq avıatsııa feldsher-dıspetcheri Aınur Batyrbaeva.
