Gaz ballonyn janarmaı quıý beketinen zańsyz toltyratyndar bar – TJM
«Gazdy halyqqa satatyn kompanııalar gazdy qaıta satyp qana qoımaıdy, ballondardy tekserip, jóndeýdi de júzege asyrady. Ádette olar bos ballondardy toltyrylǵan ballondarǵa aıyrbastaıdy. Ballondy aınalymnan shyǵarý – bul gaz kompanııasynyń tikeleı shyǵyny jáne bul kompanııalar merzimi ótken jáne aqaýly ballondardy aınalymnan shyǵarýǵa ekonomıkalyq turǵydan múddeli emes», - dedi vıtse-mınıstr Ortalyq kommýnıkatsııalar qyzmetinde ótken baspasóz máslıhatynda.
Onyń aıtýynsha, toltyrylǵan ballondardy tehnıkalyq jaramdylyqqa tekserý týraly zańnamalyq talaptar kásipkerlerdiń eń kóp paıda alý nıetine qaıshy keledi.
«Eski jáne merzimi ótken ballondardy paıdalanatyn halyq qala mańyndaǵy eldimekenderde, aýyldyq jerlerde turady jáne negizinen az qamtamasyz etilgendikten jaǵdaı kúrdelene túsedi. Qaýipsizdikke alańdaıtyn tutynýshylar óte az. Kópshiligi ózderiniń «keńestik» ballondaryn jaqyn mańdaǵy janarmaı quıý beketinen toltyrady. Olardyń turmystyq ballondardy toltyrýǵa quqyǵy joq, alaıda jappaı zańsyz ispen aınalysady», - dedi M. Pishembaev.
Osyǵan baılanysty vıtse-mınıstr turmystyq ballondar apaty gaz ótkizý naryǵynyń qazirgi problemalarymen tikeleı baılanysty ekenin jáne turmystyq ballondardy ótkizý kezeńinde sharalar qabyldaý qajettigin aıtty. Munda jalpy saıasat, gazdy ótkizý protsesine qoıylatyn talaptardy belgileý, baqylaý men monıtorıngti gaz jáne gazben jabdyqtaý salasyndaǵy ýákiletti organ – Energetıka mınıstrligi júzege asyrady.
Buǵan deıin vıtse-mınıstr Qazaqstanda gaz ballony jarylysynan qansha adam qaza tapqanyn aıtqan edi.
