Gaz baǵanyna soǵylyp, oqıǵa ornynan qashyp ketken júrgizýshi qamalyp tyndy
ORAL. QazAqparat - Zelenov aýdandyq №2 soty jol-kólik oqıǵasyn jasap, sol jerden boı tasalaǵan turǵynǵa qatysty ákimshilik iske núkte qoıdy, dep habarlaıdy «QazAqparat» tilshisi.
BQO sotynyń baspasóz qyzmetinen túsken málimetke qaraǵanda, sot talqysyna belgili bolǵanyndaı, atalǵan júrgizýshi kóligimen gaz baǵanyna soǵylǵan. Sodan keıin jol erejesin buzǵany jóninde ishki ister organyna habarlap, qyzmetkerdi kútýi kerek edi. Onyń ornyna oqıǵa ornynan boı tasalaǵan.
Sot otyrysynda quqyq buzýshy «qoryqqandyqtan», qashyp ketkendigin alǵa tartyp, kinásin moıyndady.
Sot júrgizýshini QR Ákimshilik quqyqbuzýshylyq kodeksi 611-baby 3-bóligine sáıkes aıypty dep taýyp, 30 táýlik qamaýǵa alý jóninde qaýly shyǵardy.
Qaýly zańdy kúshine endi.
