«Ǵaıypbaevtyń jaraqaty 3 sm»: sotta medbıke jaýaby oqyldy
TALDYQORǴAN. KAZINFORM — Jetisý oblysynyń qylmystyq ister jónindegi mamandandyrylǵan aýdanaralyq sotynda 16 jastaǵy Sherzat Polattyń ólimine baılanysty qozǵalǵan qylmystyq is boıynsha ashyq sot otyrysy ótip jatyr.
Sotta Abzal Shynasyldyń qorǵaýshysy Nurqanat Ǵaıypbaevty 4 qazan kúni qaraǵan medbıke Araılym Hamıdollanyń jaýabyn oqydy.
— Kúndelikti jumys júrip jatqan kezde túngi saǵat 00:58–de týystarynyń jetekteýimen aýrýhananyń qabyldaý bólimine Sherzat Polat aýyr jaǵdaıda jáne Nurqanat Ǵaıypbaev ortasha jaǵdaıda kelip tústi. Polat jaǵdaıy aýyr bolǵannan keıin ony birden jansaqtaý bólimine alyp ketti. Men Ǵaıypbaevtyń dene jaraqatyn qaraý barysynda onyń oń jambasynda suǵylyp-kesilgen 3 jaraqatty kórdim. Alǵan jaraqatynyń tekserý barysynda tereńdigi 3 sm, kólemi 2 sm, eni — 0,52 ekenin anyqtaldy, — delingen onyń jaýabynda.
Buǵan deıin sotta Nurqanat Ǵaıypbaevtyń jaraqatyna qatysty saraptama málimetteri jarııalandy.
Alǵashqy sot otyrysynda prokýror oqıǵanyń tolyq hronologııasyn baıandady.
Byltyr 4 qazan kúni tóbelesten 16 jastaǵy jasópirim qaıtys bolǵanyn jazǵan edik.
2024 jyldyń 12 qazanynda qara jamylǵan otbasynyń úıi órtenip ketti. Almaty oblysynyń Polıtsııa departamenti bótenniń múlkin qasaqana joıý faktisi boıynsha is qozǵady.
2024 jyldyń jeltoqsan aıynda Talǵar mańynda Sherzat aǵasynyń denesi tabyldy.