Gaıanada jergilikti kásipker janyp jatqan úıge qamap, áıelin jáne tórt balasyn óltirdi
ASTANA. QazAqparat - Ońtústikamerıkandyq Gaıanada 50 jastaǵy kásipker Lennoks La Krýsty polıtsııa óz áıelin jáne tórt balasyn óltirýge kúdiktenip ustady, dep habarlady RBK Associated Press-ke silteme jasap.
Olar úıge qamalǵan jáne órtelgen. La Krýsty venesýelalyq shekaranyń mańynda Port-Kaıtýmada tutqyndady, dep habarlady Gaıananyń ókimet oryndary.
Polıtsııa ókilderine oqıǵa týraly besinshi bala, 12 jasar qyz arqyly belgili bolǵan, ol ýchaskege kelip, polıtseılerge óziniń ata-analary urysysyp qalǵanyn jáne ákesiniń úıdi órtemek bolǵanyn jetkizgen. Polıtseıler oqıǵa ornyna kelgende, úı órtenip jatqan, al temir esik qulyptaýly bolǵan.
Polıtsııa qyzmetkerleri men jaqyn mańaıdaǵy úılerdiń turǵyndary osy aınaladaǵy sý kózinen shelekpen tasyp, órtti sóndirmek bolǵan, biraq ta olardy bul tirligi nátıjesiz aıaqtalǵan.
Órtengenderdiń kimder ekeni anyqtaldy, olar 39 jastaǵy Larlın La Krýs, onyń 3 jáne 14 jastardaǵy eki qyzy, sondaı-aq 1 jáne 8 jastardaǵy eki uly bolyp shyqty.
