Gaıanada 20 bala jataqhanada shyqqan órtten qaza boldy
DJORDJTAÝN.QazAqparat – Gaıana ortalyǵyndaǵy shahterler qalashyǵy Mahdııada bolǵan órtten kem degende 20 bala qaza tapty, dep habarlaıdy QazAqparat BBC News-ke silteme jasap.
Órt dúısenbi kúni tún ortasynda jergilikti orta mekteptiń jataqhanasynda balalar uıyqtap jatqan kezde shyqqan.
Resmı derekkózderdiń habarlaýynsha, tótenshe jaǵdaılar qyzmeti aýa raıynyń qolaısyzdyǵyna baılanysty órtti áli tolyqtaı aýyzdyqtaı almaı otyr.
Birneshe adam jaraqat aldy, keıbireýlerin arnaıy ortalyq qurylǵan Djordjtaýn astanasyna evakýatsııalaýǵa daıyndap jatyr.
Áýejaıda ornalasqan medıtsınalyq toptardan basqa, Djordjtaýnnyń eki iri aýrýhanasy ár balaǵa jeke kóńil bólýge daıyn.
Іshki ister mınıstri Robson Benn apat ornynda, Premer-mınıstr men basqa da memlekettik qyzmetkerler oqıǵa ornyna barmaqshy.
Gaıana — Ońtústik Amerıkanyń soltústik-shyǵysynda Venesýela men Sýrınam arasynda ornalasqan memleket.
