Gaıana jaǵalaýynda jolaýshylar paromy apatqa ushyrady
ASTANA. KAZINFORM – Gaıana jaǵalaýynda 116 adam mingen jolaýshylar paromy apatqa ushyrady. Bul týraly jergilikti bılikke silteme jasap habarlandy.
Aldyn ala málimet boıynsha, ázirge 53 adam qutqaryldy. Іzdeý-qutqarý operatsııasy jalǵasyp jatyr.
Parom Djordjtaýn qalasynan Port-Kaıtýma baǵytyna bet alǵan kezde Pomerýn ózeniniń saǵasyna jaqyn ornalasqan Aıron-Pant (Iron Punt) aýdanynda aýdarylyp ketken.
– Ekıpaj 18 shilde kúni keshke apat týraly belgi berdi. Osydan keıin tótenshe jaǵdaılarǵa den qoıý tetikteri dereý iske qosyldy, – dedi Gaıana premer-mınıstri Mark Fıllıps.
Onyń aıtýynsha, qutqarý jumystaryna memlekettik qyzmettermen qatar jekemenshik sektordyń kemeleri de jumyldyrylǵan. Bılik qutqarý bólimshelerinen jedel aqparat alyp otyr jáne barlyq jolaýshylar men ekıpaj múshelerin aman alyp qalýdy basty mindet sanaıdy.
– Іzdeý-qutqarý toby MV BARIMA paromyn borttaǵy adamdardyń belgi berý zymyrandaryn atýynyń arqasynda anyqtady, – dep habarlady jergilikti bılik.
Aıta keteıik, Ýgandada mektep avtobýsy apatqa ushyrap, 20 oqýshy mert boldy.
