Gavaııda plastıkten jasalǵan tastar tabyldy
ASTANA. QazAqparat - Gavaıılyq Kemaılo jaǵajaıynda jyl saıyn demalatyn týrıster dalada ot jaǵamyz dep, plastık negizindegi jańa mıneral jasap shyǵarǵandaryn ózderi de bilmeı qaldy, dep jazady «Ekspress-K» basylymy.
Ony tapqan geologtar mıneraldyń bul túrin basqa jerlerde de molaıtyp, keleshekte bul mıneral arqyly geologııalyq dáýirdi anyqtaýǵa bolady deıdi.
Jańalyqtyń avtorlary atalǵan mıneraldy plastıglemerat dep atady. Ol qalaı paıda bolady? Týrıster ózderinen qalǵan nemese jelmen ushyp, tolqynmen aǵyp kelgen plastıkalyq qoqystardy jaǵady. Al balqytylǵan plastık qum, janartaý jynystary, marjan synyqtary syndy materıaldardy qatyryp tastaıdy. Odan kólemi 2-den 20 santımetrge deıin tas paıda bolady. Zertteý jumystarynyń jetekshi avtory Patrıtsııa Korkorannyń aıtýynsha, plastıglomerat jyly jaqta, plastıktiń qory kóp kez kelgen jerde paıda bolady.
