Gavaıı shtatynda sý tasqynyna baılanysty 5,5 myń adamdy evakýatsııalaý jarııalandy
ASTANA. KAZINFORM – 22 naýryz kúni AQSh-tyń Gavaıı shtatynda sý tasqyny saldarynan shamamen 5,5 myń turǵyndy evakýatsııalaý týraly sheshim qabyldandy. Bul týraly Associated Press agenttigi habarlady.
Evakýatsııa týraly buıryq negizinen Gonolýlý qalasynyń soltústigindegi turǵyndarǵa qatysty boldy. Nóserli jańbyr saldarynan bolǵan sý tasqyny ondaǵan úıge zaqym keltirgen.
Jergilikti bılik 120 jyl buryn salynǵan bógettiń buzylý qaýpinen qaýiptenip otyr.
The city has lifted all remaining evacuation orders for North Shore residents in Waialua and Haleiwa as water levels and the potential for dangerous flooding conditions continue to subside. pic.twitter.com/rU2bk6jb0y
— Hawaii News Now (@HawaiiNewsNow) March 22, 2026
Shtat gýbernatory Djosh Grın sý tasqynynan kelgen jalpy shyǵyn 1 mıllıard dollardan asýy múmkin ekenin málimdedi.
– Eger jańbyr toqtaýsyz jaýsa, Vaıalýa aýdanyna kirip-shyǵatyn jalǵyz joldy sý shaıyp ketý qaýpi tónip tur, — delingen shuǵyl eskertý habarlamada.
Maýı aralynda bılik Lahaına aýdanynyń keıbir bólikteri úshin evakýatsııa deńgeıin jalpy dabyl deńgeıine deıin kóterdi. Bul sheshim sý jınaý basseınderiniń derlik tolyp qalýyna baılanysty qabyldanǵan.
Atalǵan aýdan 2023 jylǵy joıqyn orman órtinen keıin áli tolyq qalpyna kelip úlgermegeni atap ótildi.
Eske sala ketsek, Kenııada 71 adam sý tasqynynyń qurbany boldy.
Al Qazgıdromet elimizdiń qaı óńirlerinde sý tasqyny qaýpiniń joǵary ekenin habarlady.
