Gavaıı aralynda atqylaǵan janartaý 21 úıdi joıyp jiberdi
ASTANA. QazAqparat - Gavaıı aralynyń shyǵys jaǵynda oıanǵan janartaý jıyrma bir úıdi qıratty, dep habarlaıdy QazAqparat The Associated Press agenttigine silteme jasap.
Qurylystar ystyq lava astynda qalǵan. Úılerdiń qıraýyn Gavaıı shtatynyń órt qorǵaý qyzmeti áýeden baqylaý barysynda tirkedi.
CNN telearnasynyń habarlaýynsha, qaýipti aýmaqtan 1,7 myń turǵyn evakýatsııalanǵan. Tótenshe jaǵdaılar qyzmeti qazirgi ýaqytta toǵyz výlkan kózin tapqan. Jaryqtardan lava jáne ýly gazdar atqylap jatyr.
Kılaýea janartaýy ótken aptada jer silkinisinen keıin oıanyp, aspanǵa kúl, topyraq ata bastaǵan. AQSh Geologııalyq qyzmetiniń habarlaýynsha, 2 mamyrda aralda terbelisi 6,9 jer silkinisi tirkelgen.
Foto/ telegraf.com
