Gavaıı araldaryna Leın daýyly qater tóndirip tur
NЬıÝ-IORK. QazAqparat - Beısenbi kúni Gavaııge qatar tóndirip turǵan Leın daýylynyń deńgeıi úshinshi sanatqa deıin tómendedi. Osy ýaqytta qatty jaýǵan nóser jaýyn Úlken araldyń keı aýdandaryn shaıyp ketti, dep habarlaıdy Gonolýlý Ulttyq meteorologııalyq qyzmeti.
Daýyldyń epıtsentri Gonoglýlýdan 331 qashyqtyqta ornalasqan. Epıtsentrdegi daýyldyń jyldamdyǵy saǵatyna 201 shaqyrym.
Meteoqyzmettiń málimetinshe, bir táýlik ishinde Úlken araldyń soltústik-shyǵysyna 50 sm jaýyn-shashyn túsken.
«Qazirgi ýaqytta Gavaııde 300 myńnan astam týrıst bar», - dedi senator Mazı Hırono beısenbi kúni ótken baspasóz máslıhatynda.
Gonolýlý meri Kırk Koldvelldiń aıtýynsha, Oahý aralynda kesh batqanǵa deıin bas saýǵalaıtyn jer izdeıtinder úshin saǵat 16:00-de dabyl júıesi iske qosylady. Qazirgi tańda adamdardy eriksiz evakýatsııalaý sharalary júrgizilip jatqan joq.
«26 jylda elge alǵash ret qater tóndirip turǵan jáne alapat daýyl juma kúni úlken araldarǵa jaqyndaı túsýi múmkin», - delingen Tynyq muhıtynyń ortalyq aýmaqtaryndaǵy daýyldar jónindegi ortalyqtyń habarlamasynda.
