Gavaıdaǵy orman órti: 13 000 turǵyn jaryqsyz qaldy
GONOLÝLÝ. QazAqparat – Gavaı araldaryndaǵy birneshe eldimeken turǵyndary orman órtine baılanysty evakýatsııalanýǵa májbúr boldy. Eki úı órtke orandy, dep habarlaıdy QazAqparat AP agenttigine silteme jasap.
Kúshti jel men qurǵaq aýa órt tutaný qaýpin ulǵaıtady. Ulttyq meteorologııa qyzmeti bir-birine jalǵasqan araldardan ońtústikke qaraı qaýipsiz Dora quıyny 805 shaqyrym jerden ótip, ózimen birge jyldamdyǵy saǵatyna 97 shaqyrymnan asatyn jeldi alyp keldi. Maýı aralynyń batysyndaǵy Lahaına qalasynda tutanǵan órtterdiń biri toqtatyldy, biraq órt sóndirýshiler áli de Kýla qalasynda qyzyl jalynmen kúresip jatyr.
Maýı meri Rıchard Bıssenniń sózinshe, órt eki úıdi, 1100 akr jerdi joq qyldy. Onyń aıtýynsha, 80 adam evakýatsııalandy. Sonymen qatar mer araldyń soltústik bóligindegi tórt eldimekende 400 úıdiń turǵyndary evakýatsııalanǵanyn habarlady. Órtpen kúresýge kúshti jel kedergi keltirip jatyr. Seısenbi keshke Hawaiian Electric Maýıde shamamen 13 000 adam elektrsiz qalǵanyn habarlady. Bılik ókilderi Gavaı Ulttyq ulany qyzmetkerlerin órt sóndirýge jumyldyrdy.
Gavaıdaǵy órt, ádette, araldardyń qýań aımaqtarynda bastalady. Adamdar mekendegenge deıin Gavaı men basqa tropıkalyq araldarda órt sırek kezdesetin. Órt qorshaǵan ortaǵa zalal keltiredi, máselen, ósimdikterdi joıady. Oahý aralynda elektr energııasyn taratýda da qıyndyq týyndaǵan. Meteorologtar kúshti jel turatynyn habarlap, órt tutaný qaýpiniń qyzyl dárejesi engizilgenin málimdedi.
