Gavaı araldarynda órt órship jatyr, kem degende 36 adam mert boldy
Gavaıı janynan ótip bara jatqan Dora daýyly jaǵdaıdy ýshyqtyryp, ekpindi jelden jalyn órshe túsýde.
Tilsiz jaýdan júzdegen ǵımarat janyp, 9 myń turǵyny bar Lazaına kóne qalasynyń basym bóligi zaqymdaldy. Myńdaǵan adam Maýı aralyndaǵy úılerin tastap ketýge májbúr boldy. Onda tótenshe jaǵdaı jarııalandy. Aýqymdy izdeý-qutqarý operatsııasy júrgizilip jatyr, tikushaqtar tartyldy.
Buǵan deıin habarlanǵandaı, araldyń jergilikti aýrýhanasy kúıik shalǵan, ystan ýlanǵan naýqastarmen tolyp qalǵan. Maýı aralyndaǵy órttiń basym bóligi áli aýyzdyqtalmaǵan. Daýyldan jeldiń jyldamdyǵy 97 km/saǵattan asqan.
«Órt sóndirýshiler jalyndy baqylaýǵa alýǵa tyrysyp jatyr, al bizdiń jedel qyzmet izdeý-qutqarý jumystary rejıminde jumys isteýde», - dedi senator Braıan Shats.
Sársenbi kúni tańerteń keıbir adamdar tez taralyp jatqan órtten aman qalý úshin muhıtqa sekirýge májbúr bolǵany habarlandy. AQSh jaǵalaý kúzeti málimdegendeı, sýdan kem degende 10 adam qutqarylǵan. Maýı okrýginiń meri kishi Rıchard Bıssen baspasóz máslıhatynda kóptegen úıler men bıznes-qurylymdar tolyqtaı joıylǵanyn málimdedi. Myńdaǵan adam órtten jaryqsyz jáne uıaly baılanyssyz otyr. AQSh prezıdenti Djo Baıden óz málimdemesinde el úkimeti órtpen kúresý úshin Gavaıǵa kómek jibergenin málim etti.
Lahaına — Maýıdiń batys bóligindegi tarıhı qala, ol AQSh Tarıhı oryndary ulttyq reestrine engen.