Gavaı araldarynda Marsta tirshilik keshýdiń eksperımenti bastaldy
ASTANA. QazAqparat - NASA komandasy Gavaı araldarynda Marsqa ushqanǵa uqsas jaǵdaı týǵyzyp, aman qalýdyń, tirshilik keshýdiń ǵylymı tájirıbesin ótkizýge kiristi.
Alty adamnan turatyn komanda Maýna-Loa janartaýy baýraıyndaǵy arnaıy keshende syrtqy álemnen tolyq oqshaýlanyp bir jyl ómir súredi. Tájirıbege qatysýshylar osy ýaqytta taza aýasyz, jańadan ázirlengen taǵamsyz oqshaýlanǵan arnaıy kýpoldyń astyna ornalastyrylǵan úı-jaıda ómir súredi.
Tájirıbe talaptaryna sáıkes komanda músheleri dalaǵa tek skafandrlarda ǵana shyǵady.
Tájirıbelik komanda quramynda - frantsýz astrobıology, nemis fızıgi men tórt amerıkalyq - ushqysh, sáýletshi, dáriger jáne topyraq zertteýshi bar, dep habarlady Bı-bı-sı.
