Gavanada mıllıonǵa jýyq adam Fıdel Kastrony eske alý aktsııasyna qatysty
ASTANA. QazAqparat - Gavanada jergilikti ýaqytpen seısenbi kúni keshke (03:00 msk) Kýba revolıýtsııasynyń kósemi Fıdel Kastrony eske alýǵa arnalǵan qaraly mıtıng bastaldy, dep habarlaıdy QazAqparat TASS agenttigine silteme jasap.
Qaýipsizdik qyzmeti mamandarynyń boljamynsha, aktsııaǵa mıllıonǵa jýyq adam qatysty. Іs-sharaǵa eldiń Memlekettik keńesi men Mınıstrler keńesiniń tóraǵasy Raýl Kastro basshylyq etti.
Mıtıng halyqtyń Fıdel Kastromen qoshtasý ornyna aınalǵan Revolıýtsııa alańyndaǵy Hose Martı eskertkishiniń aldynda ótti. Kýbanyń tarıhı kóshbasshysyn qurmettep eske alýǵa shetelden 50-den astam delegatsııa keldi.
Alańda oınatylǵan memlekettik ánurannan keıin Fýlhensıo Batısta dıktatoryn taqtan taıdyrǵan Fıdel Kastro men Kóterilisshi áskerge arnalǵan óleń joldary oqyldy. Mıtıng ótip jatqan jerden tikeleı kórsetilimdi Kýba memlekettik telearnasy júrgizdi.
