Gaýptvahtada tártip bolýy qajet - Bas áskerı prokýratýra
ASTANA. 11 jeltoqsan. QazAqparat - Bas áskerı prokýratýra tótenshe jaǵdaılar jáne sanıtarly-epıdemıologııalyq qadaǵalaý organdarynyń aımaqtyq bólimshelerindegi mamandarymen birlesip Qazaqstan Respýblıkasynyń Ulttyq qaýipsizdik komıteti men Qarýly Kúshterge qarasty áskerı polıtsııa organdary gaýptvahtalarynyń qyzmetindegi zańdylyq jaǵdaıyn tekserdi.
Bas áskerı prokýratýranyń baspasóz qyzmeti habarlaǵandaı, tekserýlermen vedomstvolyq normatıvtik quqyqtyq aktilerdiń qoldanystaǵy zańnamaǵa qarama-qaıshylyǵy, gaýptvahta ǵımarattary men bólmeleriniń talaptarǵa sáıkes kelmeıtini, sanıtarly-epıdemıologııalyq jáne órt qaýipsizdigi normalarynyń saqtalmaıtyny anyqtaldy.
Prokýrorlyq yqpal etý sharalary boıynsha Qorǵanys mınıstriniń 2 jáne Ulttyq qaýipsizdik komıteti Tóraǵasynyń 1 buıryǵynyń kúshi joıylyp, Qorǵanys mınıstriniń 1 buıryǵyna tıisti ózgertýler engizildi.
Anyqtalǵan zańnama buzylýy boıynsha atalǵan vedomstvo basshylarynyń atyna talaptarǵa sáıkes kelmeıtin gaýptvahtalardyń qyzmetin toqtatý týraly máseleni sheshý kerektigimen birge usynys engizildi.
