Gambýrgte pyshaqpen qarýlanǵan áıel 12 adamdy jaraqattady

ASTANA. KAZINFORM – AFP-diń habarlaýynsha, Gambýrgtiń temirjol vokzalynda áıel adamdarǵa pyshaqpen shabýyldap, 12 adam zardap shekti, dep habarlaıdy BBC.

Zardap shekkendediń arasynda 6 adamnyń jaraqaty ómirge qaýipti.

BAQ ókilderi zardap shekkenderdiń úsheýiniń densaýlyq jaǵdaıy múshkil ekenin habarlady. Taǵy úsh adam aýyr jaraqat alǵan. Alty adamnyń jaraqaty jeńil.

Gambýrg polıtsııasy pyshaqpen shabýyldaǵan 39 jastaǵy áıeldiń ustalǵanyn habarlady.

- Bizge qazirgi tańda málim aqparattar boıynsha, biz áıeldiń jalǵyz ózi áreket etti degen oıdamyz. Oqıǵanyń mán-jaıyn tergeý jumystary júrgizilip jatyr, - delingen polıtsııanyń H áleýmettik jelisindegi jazbasynda.

Áıeldiń mundaı qadamǵa nelikten barǵany ázirge belgisiz.

Bild-tiń habarlaýynsha, zardap shekkenderdiń keıbirine kómek poıyzda-aq kórsetile bastady.

Aldyn ala málimetter boıynsha shabýyl platformalardyń birinde, 13-14 jol baǵyttarynyń boıynda jasaldy.

Osyǵan deıin Fýdzı taýyna shyǵatyn týrısterden tikushaqpen qutqarý úshin aqy alynýy múmkin ekeni týraly jazdyq.