Gaýhar Tasbergenova Qurmanǵazy atyndaǵy Qazaq ulttyq konservatorııasynyń rektory bolyp taǵaıyndaldy

ASTANA. KAZINFORM — Gaýhar Tasbergenova Qurmanǵazy atyndaǵy Qazaq ulttyq konservatorııasynyń rektory bolyp taǵaıyndaldy. Bul týraly Mádenıet jáne aqparat mınıstrliginiń baspasóz qyzmeti habarlady.

Gaýhar Tasbergenova – belgili qazaqstandyq pıanıst, kontsertmeıster, art-menedjer halyqaralyq konkýrstardyń laýreaty. Ol K.Baıseıitova atyndaǵy mektepti bitirgen, PhD in Art-management doktory.

Gaýhar Tasbergenova ár jyldary halyqaralyq jobalarǵa qatysqan, atap aıtqanda, Frantsııanyń Qazaqstandaǵy Elshiliginiń qatysýymen «Parıj-Astana: Debıýssıden Jubanovaǵa deıin», A. Jubanov, L. Hamıdı «Abaı» (qoıýshy-rejısser Djankarlo del Monako), E. Brýsılovskıı «Qyz Jibek» (qoıýshy-rejısser Mıhaıl Pandjavıdze), sondaı-aq ol operalyq spektaklderdi súıemeldeıtin bas pıanıst-kontsertmeıster. Mádenıet salasyndaǵy kóptegen jobalardy ázirep, ony júzege asyrǵan.

Sonymen qatar Gaýhar Tasbergenova – Qazaqstan Prezıdenti janyndaǵy Áıelder isteri jáne otbasylyq-demografııalyq saıasat jónindegi Ulttyq komıssııanyń múshesi.