Gaýez Nurmuhambetov óńirdegi separatızm kórinistermen qalaı kúrespek

Soltústik Qazaqstan oblysynyń ákimi Gaýez Nurmuhambetov óńirdegi separatızm kórinisterimen kúres qalaı júrgizilip jatqanyn aıtty, dep habarlaıdy Kazinform.

«Baqytymyzǵa oraı elimizde mundaı keleńsizdikter biren-saran ǵana. Al jalpy, oblysyqa qatysty aıtar bolsam, ol oqıǵa oryn aldy. Bul protsess barlyq ýaqytta ashyq ótti. Ótken aptada zańdy buzǵan atalǵan qozǵalystyń uıymdastyrýshysyna sot úkimi shyqty. Bireýiniń ǵana famılııasyn ataıyn. Ol - Zýderman, 9 jylǵa bas bostandyǵynan aıyrý úkimi jarııalandy. Búginde separatızm syndy mundaı máselemen Qazaqstan halqy Assambleıasy, etnomádenı ortalyqtar aınalysady. Etnomádenı ortalyqtarǵa baryp, basshylarymen kezdestim. Túrli mádenı ortalyqtardyń basshylary óte bilikti. Olar búginde separatıstik kórinister qoǵamda bolmaýy úshin aldyn alý jumystaryn júrgizip, adamdarmen kezdesedi, monıtorıng jasaıdy», - dedi óńir ákimi Ortalyq kommýnıkatsııalar qyzmetindegi brıfıngte.

Onyń atap ótýinshe, mundaı máselemen birinshi kezekte quqyq qorǵaý organdary aınalysady.

«Petropavlda oryn alǵandaı keleńsizdik kórinister baıqalyp, zań buzylǵan jaǵdaıda ondaı adamdar jazaǵa tartylady», - dedi óńir basshysy.